బతుకమ్మ పాటలని చెప్పి ఖూనీ చేయకమ్మ సుచిత్రమ్మ? ఆ స్టెప్పులేంటి?

బతుకమ్మ అనగానే మనందరికీ తెలంగాణ సాంస్కృతిక పండుగ గుర్తొస్తుంది.కేసీయార్ ప్రభుత్వం వచ్చాక ఈ బతుకమ్మ పాండగను అధికారిక ఉత్సవంగా ప్రకటించడం జరిగింది.

దానికి చాలా సంతోషం.అయితే అక్కడినుండే మొదలైంది అసలు చిక్కు.

అంతకు మునుపు బతుకమ్మ( Bathukamma ) మీద ఎలాంటి పేరడీలు చేసేవారు కాదు.సంప్రదాయ పద్ధతిలో ఎలాగైతే ఉత్సవాలు జరిగేయో ఆదేమాదిరి జరిగేవి.

అధికారిక ఉత్సవం అని ఎప్పుడు అనిపించుకుందో అక్కడినుండే లేనిపోని ఆర్భాటాలు మొదలయ్యాయి.అవసరం వచ్చినపుడు ఏదో ఒకటి మమ అనిపించేస్తున్నారు కొన్నిచోట్ల అధికారులు.

దగ్గరలో ఓ కుండీ కనిపిస్తే అందులో ఏదో డెకరేటివ్ మొక్క పెట్టి, మధ్యలో ఓ తివాచీ వేయించి మగ అధికారులే కాళ్లతో బూట్లు తీయకుండా ఇష్టారాజ్యంగా తిరగడం మనం చూస్తూ వున్నాం.ఈలోపు డీజే హడావుడి ఎలాగూ మొదలవుతుంది.

ఎవరో ప్రైవేటు యూట్యూబ్ వాడు పాడిన ఓ చెత్త పాట వేస్తూ బతుకమ్మ ఉత్సవం అయిపోయిందని ఇంటికెళ్ళి గురకపెట్టి నిద్రపోతున్న పరిస్థితి.ఆ రకంగా నేడు బతుకమ్మ పాటను, ఆటను, పండుగను, విశిష్టతను, సంబరాన్ని, ధ్వంసం చేస్తున్నారు.