హైదరాబాద్ లో రాహుల్ గాంధీ ఎన్నికల ప్రచారం

కాంగ్రెస్ అగ్రనేత రాహుల్ గాంధీ ఇవాళ హైదరాబాద్ లో ఎన్నికల ప్రచారం నిర్వహించనున్నారు.చివరి రోజు ప్రచారాన్ని హోరెత్తించనున్నారు.

ఈ మేరకు నగరంలో రోడ్ షోలతో పాటు కార్నర్ మీటింగ్స్ ను రాహుల్ గాంధీ నిర్వహించనున్నారు.కాసేపట్లో జూబ్లీహిల్స్ నియోజకవర్గంలో రోడ్ షో చేయనున్న ఆయన కార్నర్ మీటింగ్ లో పాల్గొననున్నారు.

తరువాత మధ్యాహ్నం 12 గంటలకు నాంపల్లి, మధ్యాహ్నం 2 గంటలకు మల్కాజ్ గిరిలో కాంగ్రెస్ అభ్యర్థులకు మద్ధతుగా రాహుల్ గాంధీ ఎన్నికల ప్రచారం నిర్వహించనున్నారు.తెలంగాణ ఇచ్చిన కాంగ్రెస్ కు ఒక్క అవకాశం ఇవ్వాలని, తాము అధికారంలోకి రాగానే ఆరు గ్యారెంటీలను అమలు చేస్తామని ప్రజలకు వివరించనున్నారు.