కెనడా : ర్యాష్ డ్రైవింగ్, ఇద్దరు మహిళలు బలి..భారతీయ విద్యార్ధికి దేశ బహిష్కరణ

నిర్లక్ష్యంగా కారు నడిపి ఇద్దరు మహిళల మరణానికి కారణమైన భారత్‌కు చెందిన వ్యక్తిని కెనడా ప్రభుత్వం( Canada Govt ) దేశం నుంచి బహిష్కరించింది.

నిందితుడిని బిపిన్‌జోత్ గిల్‌గా( Bipinjot Gill ) గుర్తించారు.

భారత్‌లోని పంజాబ్ రాష్ట్రానికి చెందిన ఇతను స్టూడెంట్ వీసాపై 2016లో కెనడాకు వచ్చాడు.ఈ క్రమంలో మే 18, 2019న కాల్గరీలో అతని కారు ఢీకొట్టిన ఘటనలో ఉజ్మా అఫ్జట్ (31),( Uzma Afzal ) ఆమె తల్లి బిల్క్యూస్ బేగం (65)( Bilquees Begum ) అక్కడికక్కడే ప్రాణాలు కోల్పోయారు.

దేశ బహిష్కరణ ఉత్తర్వులను నిలిపివేసేందుకు చేసిన ప్రయత్నాలను ఫెడరల్ కోర్ట్ న్యాయమూర్తి ఈ నెలలో తిరస్కరించడంతో గిల్ .కెనడాను విడిచిపెట్టినట్లుగా కాల్గరీ హెరాల్డ్ వార్తాపత్రిక నివేదించింది.నిందితుడు తీవ్రమైన నేరానికి పాల్పడ్డాడని, అతని కారణంగా రెండు విలువైన ప్రాణాలు పోయాయని, బాధిత కుటుంబాలకు ఆపార నష్టం జరిగిందని న్యాయమూర్తి షిర్జాడ్ అహ్మద్ తన తీర్పులో పేర్కొన్నారు.