వంగ పంటకు తీవ్ర నష్టం కలిగించే పెంకు పురుగులను అరికట్టే యాజమాన్య పద్ధతులు..!

వంగ తోటలో చీడపీడలకు అతిధి మొక్కలుగా వ్యవహరించే కలుపు మొక్కలను ఎప్పటికప్పుడు తొలగించాలి.తెగులు నిరోధక మేలురకం విత్తనాలను ఎంపిక చేసుకుని సాగు చేపట్టాలి.పొలంలో చీడపీడలను ఎప్పటికప్పుడు గమనిస్తూ ఉండాలి.

ఏవైనా చీడపీడలు ఆశిస్తే ఆకుల కింద వీటి స్థావరాలను కనిపెట్టి ఆ మొక్కలను పీకేసి నాశనం చేయాలి.మొక్కల మధ్య కాస్త అధిక దూరం ఉంటే మొక్కలు సూర్యరశ్మి గాలి బాగా తగిలి ఆరోగ్యంగా పెరగడంతో పాటు ఏవైనా చీడపీడలు ( Pests )లేదా తెగులు ఆశిస్తే వ్యాప్తి ఎక్కువగా ఉండదు.

ఈ పెంకు పురుగులను వంగతోటల్లో గుర్తించిన తర్వాత రసాయన పిచికారి మందులను ఉపయోగించి తొలి దశలోనే పూర్తిగా అరికట్టాలి. క్వినాల్ ఫాస్, మలాథియాన్, ఫెనిట్రోతిన్లతో కూడిన మందులను ఆకులు పూర్తిగా తడిచేటట్లు పిచికారి చేయాలి.