ఫైనల్ మ్యాచ్ కు ముందు బీసీసీఐ ప్రత్యేక సెలబ్రేషన్స్ ఏర్పాట్లు ఇవే..!

ప్రపంచ కప్ ఫైనల్ మ్యాచ్ లో( World Cup Final Match ) టాస్ వేయడానికి ముందు నరేంద్ర మోడీ స్టేడియంలో( Narendra Modi Stadium ) బీసీసీఐ ప్రత్యేక సెలబ్రేషన్స్ ఏర్పాట్లు అంగరంగ వైభవంగా నిర్వహించనుంది.

మ్యాచ్ ప్రారంభానికి ముందు ఎయిర్ షో, మ్యాచ్ మధ్యలో లేజర్ షో లాంటి కార్యక్రమాలతో పాటు బాణాసంచా మిరుమిట్లతో సందడితో స్టేడియంలో హంగామా చేయనుంది.

టాస్ వేశాక నాణెం నేలను తాకిన వెంటనే నింగిలో ఎయిర్ షో( Air Show ) సెల్యూట్ చేస్తుంది.ఏకంగా తొమ్మిది ప్రత్యేక ఫ్లైట్లతో దాదాపుగా పది నిమిషాల పాటు ఈ ఎయిర్ షో ప్రదర్శన ఉండనుంది.

భారత వైమానిక దళానికి చెందిన ది సూర్య ఏరోబాటిక్ టీం ఆకాశంలో విన్యాసాలతో ప్రత్యేక సందడితో ప్రేక్షకులను అలరించనుంది.