Pomegranate crop :దానిమ్మ పంట సాగులో కొమ్మ కత్తిరింపులలో పాటించవలసిన జాగ్రత్తలు..!

దానిమ్మ పంట సాగులో అత్యంత కీలకం కొమ్మ కత్తిరింపులు.దానిమ్మ మొక్కలు బలంగా పెరిగిన నాలుగు కొమ్మలను కాండాలుగా ఉంచి మిగిలిన కొమ్మలను కత్తిరించాలి.రెండు నుంచి మూడు సంవత్సరాల లోపు ప్రధమ, ద్వితీయ, తృతీయ కొమ్మలను తగురీతిగా పెంచి సరైన ఆకారంలోకి తీసుకురావాలి.

నేలను తాకే కొమ్మలను, గుబురుగా పెరిగే కొమ్మలను, నీటి కొమ్మలను కత్తిరించాలి.దానిమ్మ చెట్లకు విశ్రాంతి ఇచ్చే సమయంలో చివరి కొమ్మలను 10 నుంచి 15 సెంటీమీటర్ల పొడవు కత్తిరించాలి.

కొమ్మ కత్తిరింపులు తర్వాత వచ్చిన చిగుర్లలో రెండు లేదా మూడు చిగుళ్లు ఉంచి మిగిలిన చిగుళ్ళను తీసేయాలి.ఇలా చేస్తే బలమైన కొమ్మలపై పిందెలు ఏర్పడి కాయ సైజు కూడా బాగా పెరుగుతుంది.