మారుతి-ప్రభాస్ షూట్ అప్డేట్.. ఇండోర్ లోనే ప్లాన్ చేసిన డైరెక్టర్!

బాహుబలి సినిమాతో ప్రభాస్ ఒక్కసారిగా పాన్ ఇండియా స్టార్ అయ్యాడు.

ఈ సినిమా ఇచ్చిన బ్లాక్ బస్టర్ హిట్ తో ఈయన వెనక్కి తిరిగి చూసుకోవడం లేదు.

ఈ సినిమా తర్వాత ప్రభాస్ ఎవ్వరు చేయనన్ని పాన్ ఇండియా సినిమాలను లైన్లో పెట్టి అందరిని ఆశ్చర్య పరుస్తున్నాడు.మేకర్స్ ఈయన క్రేజ్ ను వాడుకుని మరిన్ని సినిమాలు ప్లాన్ చేస్తున్నారు.

మరి ఈ క్రమంలోనే ప్రభాస్ మారుతి దర్శకత్వంలో కూడా సినిమా రాబోతున్న విషయం తెలిసిందే.ఇటీవలే ఆగష్టు 25న ఈ సినిమాను పూజా కార్యక్రమాలతో ఎటువంటి హంగామా లేకుండానే స్టార్ట్ చేసారు.

రాజా డీలక్స్ అనే టైటిల్ ను కూడా మారుతి ఫిక్స్ చేసాడని ఎప్పటి నుండో వార్తలు వస్తున్నాయి.ప్రస్తుతానికి ఇదే వర్కింగ్ టైటిల్ తో ఈ సినిమా షూటింగ్ కొనసాగించ బోతున్నారు.

ఇక ఈ సినిమా గురించి లేటెస్ట్ గా ఒక సమాచారం బయటకు వచ్చింది.ఈ సినిమా ఫస్ట్ షెడ్యూల్ ఈ నెలలోనే స్టార్ట్ కాబోతుంది అని.స్టార్ట్ చేసిన తర్వాత కొద్దీ రోజుల పాటు ఇండోర్ లోనే షూట్ చేయడానికి ప్లాన్ చేస్తున్నారని వార్తలు వస్తున్నాయి.ఇక పక్కా కమర్షియల్ ఫార్మాట్ లో తెరకెక్కబోయే ఈ సినిమాను ప్రభాస్ ఇమేజ్ కు ఏ మాత్రం తీసిపోకుండా మారుతి స్క్రిప్ట్ రెడీ చేసారని మిగతా వివరాలు త్వరలోనే వెల్లడి చేయబోతున్నట్టు తెలుస్తుంది.