వైసీపీ లో చేరిపోయిన 'జనసేన ' పోతిన మహేష్ 

Sai Mallula

Political Reporter

2024-04-10   11:10:39  IST

జనసేన పార్టీ(Janasena party )లో కీలక నేతగా గుర్తింపు పొందిన విజయవాడ పశ్చిమ నియోజకవర్గం కు చెందిన పోతిన మహేష్ ఎట్టకేలకు వైసీపీలో చేరిపోయారు.

Ad

ఇటీవల జనసేన ప్రకటించిన అభ్యర్థుల జాబితాలో తన పేరు ఉంటుందనే నమ్మకంతో మహేష్ ఉంటూ వచ్చారు.

ఈ మేరకు పవన్ నుంచి ఆయనకు హామీ లభించింది.దీంతో విజయవాడ పశ్చిమ నియోజకవర్గం టికెట్ తనకే దక్కుతుందని మహేష్ నియోజకవర్గంలో విస్తృతంగా కార్యక్రమాలు చేపట్టారు.

అయితే ఆ నియోజకవర్గాన్ని పొత్తులో భాగంగా బిజెపికి కేటాయించడంతో మహేష్ కు టికెట్ దక్కలేదు.దీంతో అనేక రూపాల్లో తన అసంతృప్తిని వెళ్లగక్కిన మహేష్ రెండు రోజుల క్రితం జనసేనలో చోటు చేసుకున్న పరిణామాలపై బహిరంగంగా విమర్శలు చేశారు.

అంతేకాకుండా అధినేత పవన్ కళ్యాణ్( Pawan Kalyan ) వైఖరిని తప్పుపడుతూ ఆయనకు సవాల్ విసిరారు.త్వరలోనే జనసేన ను టిడిపిలో విలీనం చేయబోతున్నారని సంచలన వ్యాఖ్యలు చేశారు.అంతేకాకుండా పిఠాపురంలో పవన్ కళ్యాణ్ ఉగాది రోజున అన్నా లెజినోవా తో కలిసి గృహప్రవేశం చేయాలంటూ సవాల్ విసిరి మరింత సంచలనం రేపారు.

అయితే వైసీపీలో చేరేందుకే మహేష్ జనసేన పై విమర్శలు చేస్తున్నారని, పవన్ ఆయనకు ఎంతో ప్రాధాన్యం ఇచ్చారని, ఆయనకు టికెట్ దక్కకపోవడం, వైసీపీ నుంచి ఆఫర్ రావడంతోనే పవన్ పైన జనసేన పైన ఆయన విమర్శలు చేస్తున్నారని జనసేన నేతలు కౌంటర్ ఇచ్చారు.తాజాగా ఈరోజు వైసీపీ అధినేత ఏపీ సీఎం జగన్( AP CM Jagan ) సమక్షంలో మహేష్ వైసీపీ కండువా కప్పుకున్నారు.