పవర్ స్టార్ బర్త్ డేకు 'వీరమల్లు' సిద్ధం.. యాక్షన్ వీడియో రిలీజ్ కు ఆల్ సెట్!

పవర్ స్టార్ పవన్ కళ్యాణ్ ఇటీవలే భీమ్లా నాయక్ సినిమాతో ప్రేక్షకులను పలకరించాడు.ఈ సినిమా సూపర్ హిట్ అయ్యింది.

తన ఆటిట్యూడ్, మ్యానరిజంతో ఈ సినిమాను సూపర్ హిట్ గా నిలబెట్టాడు పవన్.ఈ సినిమా హిట్ తర్వాత కొన్ని సినిమాలకు గ్రీన్ సిగ్నల్ ఇచ్చారు.

కానీ ఈ సినిమాల షూటింగులలో మాత్రం జాప్యం జరుగుతుంది.దీంతో పవర్ స్టార్ వరుస సినిమాలను ప్రకటించినా ఈ ఆనందం లేకుండా పోయింది.

పవన్ కళ్యాణ్ ప్రస్తుతం చేస్తున్న సినిమాల్లో హరి హర వీరమల్లు సినిమా ఒకటి. క్రిష్ జాగర్లమూడి దర్శకత్వంలో తెరకెక్కుతున్న ఈ సినిమా ఇప్పటికే 60 శాతం షూటింగ్ పూర్తి చేసుకుంది.

ఈ సినిమా కరోనా కారణంగా షూటింగ్ చాలా రోజులు వాయిదా వేయాల్సి వచ్చింది.ఆ తర్వాత ఇప్పుడు కొన్ని కారణాల వల్ల మళ్ళీ జరగడం లేదు.

ఇంకా 40 శాతం షూటింగ్ మిగిలి ఉండడంతో పవన్ డేట్స్ కోసం ఎదురు దర్శక నిర్మాతలు చూస్తున్నారు.ఇక ఈ సినిమా రిలీజ్ డేట్ ఇటీవలే నిర్మత ప్రకటించిన విషయం తెలిసిందే.2023 మార్చి 30న ఈ సినిమాను రిలీజ్ చేస్తామని నిర్మాత ఏఎం రత్నం ప్రకటించడంతో పవర్ స్టార్ ఫ్యాన్స్ ఫుల్ ఆనందంగా ఉన్నారు.ఇది పక్కన పెడితే సెప్టెంబర్ 2న పవర్ స్టార్ పుట్టిన రోజు ఉండడంతో ఈ సినిమా నుండి ఏదొక అప్డేట్ కోరుతున్నారు ఫ్యాన్స్.మరి అందుతున్న సమాచారం ప్రకారం ఈ సినిమా నుండి ఇప్పటికే అప్డేట్ రెడీ చేశారట.45 సెకన్లతో ఉన్న ఒక యాక్షన్ వీడియోను కట్ చేసారని పవర్ స్టార్ పుట్టిన రోజు కానుకగా దీనిని రిలీజ్ చేయనున్నారని టాక్.చూడాలి మరి ఈ సినిమా గ్లిమ్స్ ఎలా ఉండబోతుందో.