ఆ రోజే నటుడుగా పుట్టా.. అప్పట్నుండి మిమ్మల్ని కాలర్ దించుకునేలా చేయలేదు : ఎన్టీఆర్

యంగ్ టైగర్ ఎన్టీఆర్ ఆర్ఆర్ఆర్ (RRR) సినిమాతో పాన్ ఇండియన్ వ్యాప్తంగా గుర్తింపు తెచ్చుకున్నాడు.

ఈ సినిమా ఇచ్చిన స్టార్ డమ్ తో ఎన్టీఆర్ వరుసగా పాన్ ఇండియన్ సినిమాలనే లైన్లో పెట్టుకుంటున్నాడు.

ఇదిలా ఉండగా ఎన్టీఆర్ నటించిన ఆర్ఆర్ఆర్ సినిమాకు ఆస్కార్ రావడంతో ఈయన పేరు మరింత మారుమోగి పోతుంది.ఆస్కార్ అందుకుని రెండు రోజుల క్రితమే హైదరాబాద్ లో అడుగు పెట్టాడు.

వచ్చి రాగానే ఎన్టీఆర్ (NTR) తన సహ నటుడు, తన అభిమాని అయిన విశ్వక్ సేన్ ధమ్కీ సినిమా ప్రీ రిలీజ్ ఈవెంట్ కు గెస్ట్ గా విచ్చేశాడు.విశ్వక్ సేన్( Vishwak sen ) హీరోగా నటించి తెరకెక్కించిన ధమ్కీ సినిమా( Dhamki ) మార్చి 22న రిలీజ్ కాబోతుంది.

ఈ క్రమంలోనే నిన్న రాత్రి గ్రాండ్ గా ధమ్కీ ప్రీ రిలీజ్ ఈవెంట్ ను జరిపారు.ఈ ఈవెంట్ కు అతిథిగా విచ్చేసిన ఎన్టీఆర్ ఆ స్టేజ్ మీద చేసిన స్పీచ్ నెట్టింట వైరల్ అయ్యింది.