భారీగా పెరిగిన ఎన్ఆర్ఐల డిపాజిట్లు .. 2023తో పోలిస్తే ఎన్ని కోట్లంటే?

వృత్తి, ఉద్యోగ, వ్యాపారాల కోసం విదేశాలకు వెళ్లిన భారతీయులు దేశానికి ఎనలేని సేవలందిస్తున్నారు.

ఇక్కడ సేవా కార్యక్రమాలు నిర్వహించడంతో పాటు కంపెనీలు, పరిశ్రమలు స్థాపించి వేలాది మందికి ఉపాధి కల్పిస్తూ భారత ఆర్ధిక వ్యవస్ధకు చేయూతనిస్తున్నారు.

అంతేకాదు.ఎన్ఆర్ఐల ( NRIs )వల్ల మనదేశానికి పెద్ద ఎత్తున విదేశీ మారక ద్రవ్యం లభిస్తోంది.2024 ఏప్రిల్ - డిసెంబర్ మధ్యకాలంలో విదేశాలలో పనిచేస్తున్న భారతీయుల నుంచి ఎన్ఆర్ఐ ఖాతాలలోకి నిధుల ప్రవాహం 42 శాతం పెరిగి 13.33 బిలియన్ డాలర్లకు చేరుకుందని రిజర్వ్ బ్యాంక్ ఆఫ్ ఇండియా( Reserve Bank of India ) (ఆర్‌బీఐ) గణాంకాలు చెబుతున్నాయి.2023లో ఇదే సమయంలో ఇది 9.33 బిలియన్ డాలర్లుగా ఉందని అధికారులు చెబుతున్నారు.డిసెంబర్ 2024 చివరి నాటికి మొత్తం ఎన్ఆర్ఐ డిపాజిట్లు 161.8 బిలియన్లకు పెరిగాయి.ఇది డిసెంబర్ 2023లో 146.9 బిలియన్లుగా ఉంది.ఎన్ఆర్ఐ డిపాజిట్ పథకాలలో ఫారిన్ కరెన్సీ నాన్ రెసిడెంట్( Foreign Currency Non-Resident ) (ఎఫ్‌సీఎన్ఆర్) డిపాజిట్లు, అలాగే నాన్ రెసిడెంట్ ఎక్స్‌టర్నల్ (ఎన్ఆర్ఈ) డిపాజిట్లు , నాన్ రెసిడెంట్ ఆర్డినరీ (ఎన్ఆర్ఓ) డిపాజిట్లు ఉన్నాయి.