బ్యాంకులో బ్యాలెన్స్ లేకపోయినా యూపీఐ పేమెంట్స్ చేయవచ్చు... అదెలాగో తెలుసుకోండి..

రూపే క్రెడిట్ కార్డ్ హోల్డర్లు( RuPay Credit Card ) ఇప్పుడు తమ బ్యాంక్ ఖాతాలో తగినంత డబ్బు లేకపోయినా, యూపీఐ చెల్లింపులు చేయడానికి గూగుల్ పేని ఉపయోగించవచ్చు.

ఎందుకంటే బ్యాంకులు ఇప్పుడు యూపీఐ వినియోగదారులకు క్రెడిట్ లైన్ ఫీచర్‌ను( UPI Credit Line ) అందిస్తున్నాయి.

ఈ ఫీచర్‌ని ఉపయోగించడానికి, బ్యాంక్‌తో క్రెడిట్ లైన్ కోసం సైన్ అప్ చేయాలి.అప్రూవవ్‌ తర్వాత, మీ బ్యాంక్ బ్యాలెన్స్‌తో పేమెంట్ చేసినట్లే, యూపీఐ చెల్లింపులు చేయడానికి మీ క్రెడిట్ లైన్‌ను ఉపయోగించవచ్చు.

ఆ సమయంలో మీ బ్యాంకు అకౌంట్ లో రూపాయి కూడా ఉండాల్సిన అవసరం లేదు.అయితే కస్టమర్లు గడువు తేదీకి ముందే క్రెడిట్ లైన్‌ను తిరిగి చెల్లించవలసి ఉంటుంది.

ఉపయోగించే మొత్తంపై మీ బ్యాంక్ వడ్డీని వసూలు చేయవచ్చు.హెచ్‌డీఎఫ్‌సీ బ్యాంక్, ( HDFC )ఐసీఐసీఐ బ్యాంక్( ICICI ) వంటి కొన్ని బ్యాంకులు ఇప్పటికే యూపీఐ వినియోగదారులకు క్రెడిట్ లైన్లను అందిస్తున్నాయి.

ఈ సేవను యాక్టివేట్ చేయడానికి హెచ్‌డీఎఫ్‌సీ బ్యాంక్ రుసుము వసూలు చేస్తుంది, అయితే ఐసీఐసీఐ బ్యాంక్ చేయదు.రెండు బ్యాంకుల క్రెడిట్ పరిమితి రూ.50,000.