ఫ్రీ డేటా, ఫ్రీ ఓటీటీ ఇచ్చినా అంబానీకి నో క్రెడిట్.. ఇది కదా కలికాలం అంటే?

ముకేశ్ అంబానీ( Mukesh Ambani ) పేరు వింటేనే చాలా మందికి కడుపు మంట.

కానీ నిజం చెప్పాలంటే, ఈయన పుణ్యమా అని దేశం మొత్తం డిజిటల్ ప్రపంచంలో దూసుకుపోతోంది.

ఒకప్పుడు డేటా అంటేనే భయపడేవాళ్లం.నెలకు ఒక జీబీ అంటే 100 నుంచి 200 రూపాయలు ఉండేది.

సామాన్యుడికి డేటా అంటేనే లగ్జరీ.అలాంటి రోజులు పోయాయి అంటే కారణం ముకేశ్ అంబానీ.2016లో జియో( Jio ) పుణ్యమా అని రోజుకి 1-2 జీబీ డేటా.అది కూడా నెలకి జస్ట్ 199 రూపాయలకే అందుబాటులోకి వచ్చింది.

అది చూసి మిగతా టెలికాం కంపెనీలు కూడా షాకయ్యాయి.వెంటనే వాళ్లు కూడా డేటా ధరలు తగ్గించక తప్పలేదు.

అలా అందరికీ మొబైల్ ఇంటర్నెట్ అందుబాటులోకి వచ్చింది.ఇప్పుడు జియో యూజర్ల సంఖ్య అక్షరాలా 44 కోట్లకు పైమాటే.

అంటే మామూలు విషయం కాదు.అంబానీ ఇక్కడే ఆగలేదు.

ఓటీటీ రంగంలో కూడా తన మార్క్ చూపించారు.జియో సినిమా,( Jio Cinema ) హాట్‌స్టార్‌తో కలిసి అదిరిపోయే కంటెంట్ ని తక్కువ ధరకే అందిస్తున్నారు.

నెలకు 199 రూపాయలు కడితే చాలు.మార్వెల్ సినిమాలు, క్రికెట్ మ్యాచ్‌లు, హాలీవుడ్ బ్లాక్‌బస్టర్లు.

ఇలా 50కి పైగా యాప్స్‌కు ఫ్రీగా యాక్సెస్ అందిస్తున్నారు.