తన చేతివంటను రుచి చూపించిన నాగ చైతన్య.. వీడియో వైరల్

అక్కినేని నాగచైతన్య,( Akkineni Nagachaitanya ) సాయి పల్లవి( Sai Pallavi ) జంటగా నటిస్తున్న రొమాంటిక్ డ్రామా "తండేల్"( Thandel ) చిత్రానికి సంబంధించి ఒక ఆసక్తికరమైన ఘటన నెట్టింట వైరల్‌గా మారింది.

చందూ మొండేటి( Chandoo Mondeti ) దర్శకత్వం వహిస్తున్న ఈ సినిమా ఫిబ్రవరి 7న ప్రపంచవ్యాప్తంగా గ్రాండ్‌గా విడుదల కానుంది.

ఈ చిత్రం ఎక్కువ భాగం విశాఖపట్నం, శ్రీకాకుళం ప్రాంతాల్లో చిత్రీకరించిన సంగతి తెలిసింది.సినిమా షూటింగ్ సమయంలో నాగచైతన్య స్థానికులతో అనుబంధం పెంచుకునేందుకు వారు రుచికరమైన చేపల పులుసు వండుతానని మాటిచ్చాడు.

ఇప్పుడు సినిమా షూటింగ్ చివరి దశకు చేరుకోవడంతో, తన మాటను నిలబెట్టుకునేందుకు నాగచైతన్య స్వయంగా కట్టెల పొయ్యిపై చేపల పులుసు వండాడు.ఈ ఘటనకు సంబంధించిన వీడియోను చిత్ర బృందం సోషల్ మీడియాలో షేర్ చేయగా, అది వైరల్‌గా మారింది.