సీతక్క కు పీసీసీ అధ్యక్ష పదవి ?

తెలంగాణ కాంగ్రెస్ అధ్యక్షుడు సీఎం రేవంత్ రెడ్డికి( CM Revanth Reddy ) అత్యంత సన్నిహితరాలిగా ముద్రపడిన తెలంగాణ మంత్రి ధనసరి సీతక్కకు త్వరలోనే ప్రమోషన్ వచ్చే సూచనలు కనిపిస్తున్నాయి.

ప్రస్తుతం తెలంగాణ కాంగ్రెస్ అధ్యక్ష బాధ్యతలను రేవంత్ రెడ్డి నిర్వహిస్తున్నారు.

ఒకపక్క ముఖ్యమంత్రిగా పరిపాలన చూడాల్సి రావడం, మరోవైపు పార్టీ బాధ్యతలు చూడడం కష్టతరంగా మారిన నేపథ్యంలో, తెలంగాణ కాంగ్రెస్ కు( Telangana Congress ) కొత్త అధ్యక్షులను నియమించాలనే ఆలోచనతో కాంగ్రెస్ అధిష్టానం ఉంది .ఈ క్రమంలోనే పలువురు పేర్లను పరిశీలనకు తీసుకుంది.ఈ జాబితాలో పార్టీ సీనియర్ నేతలు జగ్గారెడ్డి , మహేష్ కుమార్ గౌడ్ , మధు యాష్కీ, సీతక్క ఉన్నారు .అయితే సీతక్క వైపే పార్టీ అధిష్టానం మొగ్గుచూపుతున్నట్టుగా తెలుస్తోంది.