Broccoli Cultivation : బ్రోకలీ పంట విత్తుకునే విధానం.. సరైన ఎరువుల యాజమాన్యం..!

ఈ బ్రోకలీ పంట( Broccoli Crop ) క్యాబేజీ, క్యాలీఫ్లవర్ లాంటి పంటల కుటుంబానికి చెందిన పంట.బ్రోకలీ చూడడానికి కాస్త క్యాబేజీ లాగే కనిపిస్తుంది.

కాకపోతే దీని పువ్వు మాత్రం ఆకుపచ్చ రంగులో ఉంటుంది.శీతల ప్రదేశాలలో ఈ పంట చాలా బాగా పెరుగుతుంది.

బ్రోకలీ అధికంగా ఉత్పత్తి చేసే దేశాలలో భారత్ రెండవ దేశంగా ఉంది.ఈ బ్రోకలీ పంట సాగుకు చల్లని తేమతో కూడిన వాతావరణం అవసరం.

అధిక ఉష్ణోగ్రతలు ఉంటే ఈ పంటను సాగు చేయలేం.ఉష్ణోగ్రత 17 నుంచి 23 డిగ్రీల మధ్య ఉంటే ఈ పంటకు చాలా అంటే చాలా అనుకూలం.

ఈ పంటను ఆగస్టు మధ్య నుంచి సెప్టెంబర్ మధ్య వరకు నాటుకోవచ్చు.మొక్కల మధ్య 45 సెంటీమీటర్లు, మొక్కల వరుసల మధ్య 60 సెంటీమీటర్ల దూరం ఉండేటట్లు నాటుకోవాలి.

ఒక ఎకరం పొలంలో సాగు చేయడానికి 500 గ్రాముల విత్తనాల అవసరం.ఈ పంట సాగులో అధిక దిగుబడులు సాధించాలంటే అధిక పోషక ఎరువులను అందించాలి.