మామిడి పండ్లను అంత్రాక్నోస్ తెగులు.. గూడు పురుగుల నుండి సంరక్షించే పద్ధతులు..!

Khaja Hussain

News Reporter

2023-03-11   12:07:23  IST

అంత్రాక్నోస్ తెగులు(Anthracnose) మామిడి చెట్టు లోని అన్ని భాగాలపై విపరీతంగా ప్రభావం చూపిస్తాయి.ఈ తెగులు సోకినప్పుడు చెట్ల అన్ని భాగాలపై నల్లటి మచ్చలు ఏర్పడతాయి.

Ad

పిందెలు భారీ మొత్తంలో రాలిపోవడంతో పాటు మామిడి కాయ నాణ్యత కూడా దెబ్బతింటుంది.మామిడి పండ్లు(Mangoes) కాపు కాసే సమయంలో ఈ తెగులు పంటను ఆశించి తీవ్ర నష్టాన్ని కలిగించే అవకాశాలు చాలా ఎక్కువగా ఉంటాయి.

కాబట్టి పంట కాపు కు వస్తున్న సందర్భంలో గమనించి నివారణ చర్యలు చేపట్టాలి.

చెట్టు నుండి పిందెలు కాయలు రాలినప్పుడు వాటిని కల్చేయాలి.చెట్టుపై గుబురు కొమ్మలు, ఎండిన కొమ్మలు ఉంటే వెంటనే వాటిని కత్తిరించి పడేయాలి.చెట్టు కు పూత పిందెలు వస్తున్న సమయంలో సమృద్ధిగా నీరు అందేలా జాగ్రత్తలు తీసుకోవాలి.పూత పిందెలను రాలకుండా అరికట్టడానికి 4.5 లీటర్ల నీటిలో ఒక మిల్లీ లీటర్ ఫ్లోనో ఫిక్స్ కలిపి రెండుసార్లు పంటకు పిచికారి చేయాలి.ఇలా చేస్తే తెగుళ్ల నుండి పంట సంరక్షించబడుతుంది.

ఇక మామిడి చెట్లను గూడు పురుగులు ఎక్కువగా ఆశిస్తాయి.చెట్లపై గుడ్లు పెట్టి ఆకుపచ్చ గోధుమ వర్ణపు లార్వాలు ఏర్పరుస్తాయి.