అమ్మాయిని వేధిస్తున్నావంటూ మెయిల్‌.. పోలీసుల పేరుతో లక్ష‌లు వ‌సూలు

ఈ మధ్య సైబ‌ర్ నేరాలు ఎంత‌లా పెరిగిపోతున్నాయో చూస్తూనే ఉన్నాం.

మారుతున్న టెక్నాల‌జీని నేర‌స్థులు అదునుగా మార్చుకుని లేటెస్టు ట్రెండ్‌కు త‌గ్గ‌ట్టు స్మార్ట్ గా మోసాలు చేసేస్తున్నారు.

పోలీసులు వీరి నేరాల‌పై ఎంత‌లా అవగాహ‌న క‌ల్పిస్తున్నా కూడా జ‌నాలు మాత్రం వీరి మాయ‌లో ప‌డిపోతూనే ఉన్నారు.ఈ సారి కూడా సైబ‌ర్ నేరగాళ్లు ఘ‌రానా మోసానికి పాల్ప‌డ్డారు.

అయితే ఈసారి ఏకంగా పోలీసుల్నే వాడేశారు ఈ సైబర్ నేరస్తులు.పైగా ఇది నిత్యం సైర‌బ్ పోలీసులు అల‌ర్ట్‌గా ఉండే హైదరాబాద్ లో వెలుగు చూసింది.

ఓ నిరుద్యోగి ఎంఎస్సీ చదివుకుని ఏదైనా పెద్ద ఉద్యోగం చేయాల‌ని ప్ర‌య‌త్నంలో ఉన్నాడు.చాలా వ‌ర‌కు రిక్రూట్మెంట్ వెబ్ సైట్లను ఇత‌ను నిత్యం ఆశ్ర‌యిస్తూ ఉంటాడు.

త‌న పూర్తి వివరాలు కూడా అందులో నమోదు చేసుకుని ఉద్యోగం కోసం వెయిట్ చేస్తున్నాడు.అనుకోకుండా ఇత‌నికి ఒక‌రోజు crpccrime@gmail.com అనే మెయిల్ ఐడీ నుంచి ఒక మెసేజ్ వ‌చ్చింది.

నువ్వు ఒక అమ్మాయిని వేధిస్తున్నావు.ఆమె మీపైన కంప్ల‌యింట్ ఇవ్వ‌డంతో 356(ఏ) సెక్షన్ల కింద‌ కేసులు కూడా బుక్ చేసి విచారిస్తున్నాం అంటూ అందులో ఉంది.

అంతే కాదు బాధితుడి ఫొటోల‌ను మార్ఫింగ్ చేసి అమ్మాయితో క్లోజ్‌గా ఉన్న ఫొటోలను కూడా పంపించేస‌రికి యువ‌కుడు షాక్ అయిపోయాడు.