ఎల్ఐసీ సేవలు ఇక వాట్సాప్‌లో కూడా పొందొచ్చు... వివరాలివే!

పెట్టుబడికి నమ్మకమైన రాబడితో పాటు బీమా కవరేజి ఉండడంతో ఎక్కువ మంది ఎల్ఐసీ వైపు ఆకర్షితులు అయ్యారు.అయితే ఎల్ఐసీ సేవలను పొందడానికి మాత్రం సమీప బ్రాంచ్‌లకు వెళ్లి గంటల తరబడి లైన్‌లో నుంచోవాల్సి వస్తుందన్న ఆరోపణలతో పాలసీదారులకు మెరుగైన సేవలను అందించేందుకు తాజాగా ఎల్ఐసీ వాట్సాప్ ద్వారానే 11 రకాల ఎల్ఐసీ సేవలను పొందేందుకు అవకాశం ఇచ్చింది.అవును, పాలసీ హోల్డర్‌( Policy Holder )లు ఇప్పుడు రుణ అర్హత, పాలసీ స్థితి, రీపేమెంట్ అంచనాలు, బోనస్ వివరాలు, యూనిట్ల స్టేట్‌మెంట్, ప్రీమియం బకాయి తేదీల అప్‌డేట్‌లు, ఎల్ఐసీ సేవలకు లింక్‌లు, రుణ వడ్డీతో సహా 11కి పైగా సేవలకు ప్రత్యక్ష సేవలను వాట్సాప్ ద్వారా ఇప్పుడు పొందవచ్చు.