తాను చనిపోయినా 10 మంది జీవితాల్లో వెలుగు నింపిన బాలిక.. తల్లీదండ్రులు గ్రేట్ అంటూ?

16 సంవత్సరాల బాలిక తాను చనిపోయినా మదో 10 మంది జీవితాలలో వెలుగు నింపింది.

మేడ్చల్ లో( Medchal ) ఈ ఘటన చోటు చేసుకోగా అవయవదానానికి అంగీకరించిన బాలిక కుటుంబ సభ్యులను నెటిజన్లు ప్రశంసిస్తున్నారు.

కూర శ్రీనివాస్, సరిత దంపతుల రెండో కూతురు అయిన దీపిక( Deepika ) ఈ నెల 22వ తేదీన ఫిట్స్ వచ్చి ఇంట్లోనే కుప్పకూలింది.బాలిక కుటుంబ సభ్యులు ఆస్పత్రికి తీసుకెళ్లగా వైద్యులు బ్రెయిన్ డెడ్( Brain Dead ) అయిందని వెల్లడించారు.

శరీరంలోని అవయవాలు వైద్యానికి స్పందించడం లేదని తెలిసి తల్లీదండ్రులు అవయవదానానికి( Organ Donor ) అంగీకరించారు.ఈ నెల 25వ తేదీన బాలిక మృతి చెందగా బాలిక అవయవాలతో వైద్యులు పది మంది ప్రాణాలు కాపాడారు.

ప్రస్తుతం ఈ విషయం సోషల్ మీడియా వేదికగా తెగ వైరల్ అవుతోంది.తాను చనిపోయినా పది మంది ప్రాణాలను కాపాడిన దీపికకు ఆత్మశాంతి చేకూరాలని నెటిజన్లు కామెంట్లు చేస్తున్నారు.