బీఆర్ఎస్ లో ఈ మార్పులు... ఇక తీరుగులేదా ? 

అలాగే పార్టీలో కీలక నేతలుగా ఉన్న హరీష్ రావుకు( Harish Rao ) తెలంగాణ వ్యవహారాలను,  కేటీఆర్ కు( KTR ) సెంట్రల్ తెలంగాణ పార్టీ బాధ్యతలను అప్పగించాలని నిర్ణయించుకున్నట్లు సమాచారం.ఇక మరో సీనియర్ నేత ఎమ్మెల్యే పల్ల రాజేశ్వర్ రెడ్డికి దక్షిణ తెలంగాణ బాధ్యతలు అప్పగించి మూడు ప్రాంతాలకు ముగ్గురు ఇన్చార్జీలను నియమించాలనే  ప్లాన్ లో కేసీఆర్ ఉన్నారట.తెలంగాణ ఆవిర్భావానికి ముందు ఉద్యమ పార్టీ గా బీఆర్ఎస్ పదేళ్లు అధికారంలో ఉన్న సమయంలో  పార్టీ వ్యవస్థాపకత నిర్మాణంపై పెద్దగా దృష్టి పెట్టలేదనే అభిప్రాయం ఉంది.

దీంతో అసెంబ్లీ ఎన్నికల్లో ఓటమి తర్వాత జిల్లాల్లో ఓటమికి ఎవరిని బాధ్యులను చేయాలో తెలియని అయోమయ పరిస్థితిని ఎదుర్కోవాల్సి వచ్చింది.క్షేత్రస్థాయిలో పార్టీలో లోటుపాట్లను తెలుసుకునే యంత్రాంగం లేకపోవడంతో,  ఎక్కువగా పోలీస్ , ఇంటిలిజెన్స్ పై ఆధారపడడం వల్ల పార్టీలో ఏం జరుగుతుందనే ఖచ్చిత సమాచారం తెలియకపోవడం కూడా ఓటమికి కారణంగా కేసీఆర్ గుర్తించారు.

దీంతోనే ఇతర రాష్ట్రాల్లో ప్రాంతీయ పార్టీలుగా గుర్తింపు పొందిన డిఎంకె ఏఐఏడీఎంకే తృణమూల్ కాంగ్రెస్ బిజెపి పార్టీల పనితీరు వ్యవస్థాగత నిర్మాణాలను అధ్యయనం చేయాలని నిర్ణయించుకున్నట్లు సమాచారం.