రారనుకున్నారు కానీ..  అసెంబ్లీ కి వచ్చేసిన కేసీఆర్ 

తాజాగా తెలంగాణ అసెంబ్లీలో బడ్జెట్ ప్రవేశపెడుతున్న సమయంలో కెసిఆర్ అసెంబ్లీలో అడుగుపెట్టారు.నంది నగర్ లోని తన నివాసం నుంచి కేసీఆర్ అసెంబ్లీకి బయలుదేరి వెళ్లారు.ఆయన వెంట ఎమ్మెల్యేలు పల్లా రాజేశ్వర్ రెడ్డి,  పాడి కౌశిక్ రెడ్డి , మాగంటి గోపీనాథ్ తో పాటు ,మాజీ ఎమ్మెల్యేలు బాల్క సుమన్,  జీవన్ రెడ్డి ( Balka Suman, Jeevan Reddy )వంటి వారు వెంట ఉన్నారు.

అయితే బడ్జెట్ పెడుతున్న సమయంలో ప్రతిపక్ష నేతగా తాను హాజరు కాకపోతే ప్రజల నుంచి విమర్శలు వస్తాయని కేసీఆర్ అసెంబ్లీకి హాజరయ్యారా లేక తరువాత జరిగే అసెంబ్లీ సమావేశాలకూ కెసిఆర్ హాజరై అధికార పార్టీ కాంగ్రెస్ ను టార్గెట్ చేసుకుని సభలో ఇరుకున పెట్టే ప్రయత్నం చేయబోతున్నారా అనేది ఆసక్తికరంగా మారింది.ఏది ఏమైనా ప్రతిపక్ష నేత హోదాలో కెసిఆర్ మొదటి సారిగా అసెంబ్లీకి హాజరు కావడం పెద్ద వార్త గానే మారింది.