అమెరికా అధ్యక్ష ఎన్నికలు .. కమలా హారిస్‌ తరపున జో బైడెన్ ప్రచారం, శ్రేణుల్లో జోష్

అమెరికా అధ్యక్ష ఎన్నికల్లో డెమొక్రాటిక్ పార్టీ అభ్యర్ధిగా కమలా హారిస్( Kamala Harris ) ఎంపికైన సంగతి తెలిసిందే.

తన రన్నింగ్‌మెట్ (ఉపాధ్యక్ష అభ్యర్ధి)గా మిన్నెసోటా గవర్నర్ టిమ్ వాల్జ్‌ను( Tim Walz ) సైతం ఎంపిక చేసుకుని ప్రచారాన్ని పరుగులు పెట్టిస్తున్నారు.

అయితే అధ్యక్ష బరిలో తానే ఉంటానని ఎన్నో ఆశలు పెట్టుకున్న బైడెన్.( Biden ) అనూహ్యంగా పోటీ నుంచి తప్పుకున్నారు.

కానీ వెళ్తూ వెళ్తూ కమలా హారిస్‌కు తన మద్ధతు తెలిపారు.ఇది ఆయన తనకు తానుగా తీసుకున్న నిర్ణయమో లేక పార్టీ ఆదేశమో తెలియదు కానీ.

కమలా హారిస్ ప్రచార కార్యక్రమాల్లో బైడెన్ ఎక్కడా కనిపించడం లేదు.ఈ వ్యవహారంపై అమెరికన్ మీడియాలో కథనాలు వస్తుండటంతో డెమొక్రాట్లు అప్రమత్తమయ్యారు.

పార్టీ మొత్తం ఏకతాటిపై ఉందని చాటిచెప్పేలా అధ్యక్షుడు జో బైడెన్, కమలా హారిస్ కలిసి ఒకే వేదికపైకొచ్చారు.వాషింగ్టన్ శివార్లలోని మేరీల్యాండ్ కమ్యూనిటీ కాలేజ్( Maryland Community College ) ఇందుకు వేదికగా మారింది.