ఎన్నికల కమిటీపై అప్పుడే అలకలు ! టి. కాంగ్రెస్ లో మళ్లీ మొదలు 

తెలంగాణ కాంగ్రెస్( Telangana Congress ) లో గ్రూపు రాజకీయాలు ఇప్పుడిప్పుడే చక్కబడుతున్నాయి అని అంతా భావిస్తుండగా, మళ్లీ పరిస్థితి యథాతధంగా  మారిపోయినట్టుగానే కనిపిస్తోంది.

ఎన్నికల సమయం దగ్గరపడిన నేపథ్యంలో తెలంగాణలో కాంగ్రెస్ కు గెలుపు అవకాశాలు ఉండడంతో నాయకులంతా ఉత్సాహంగా ఉన్నారు.

గ్రూప్ రాజకీయాలను పక్కన పెట్టినట్టుగా కనిపించారు.అయితే కొద్ది రోజుల క్రితం తెలంగాణ కాంగ్రెస్ ఎన్నికల కమిటీని కాంగ్రెస్ అధిష్టానం ప్రకటించింది.

ఈ కమిటీకి అధ్యక్షుడిగా రేవంత్ రెడ్డిని ( Revanth Reddy )నియమించారు .అలాగే ఈ కమిటీలో ఏఐసిసి కార్యదర్శులు, పిసిసి మాజీ చీఫ్ లు సీఎల్పీ తో పాటు ,వర్కింగ్ ప్రెసిడెంట్ ,మాజీ కేంద్ర మంత్రులకు స్థానం కల్పించారు .అయితే అదే కేటగిరిలో ఉండి కూడా అవకాశం రాని నేతలు తీవ్ర అసంతృప్తికి గురై ఇప్పుడు బహిరంగంగా అసంతృప్తిని  వెలగక్కేందుకు సిద్ధమవడం కాంగ్రెస్ లో కలకలం రేపుతోంది.