విశాఖ ఎంపీ గా జేడీ పోటీ ! ఆ పార్టీలో చేరాలని ఉన్నా... ?

అనేక సామాజిక చైతన్య సేవా కార్యక్రమాల్లో పాల్గొంటూ తాను అందరివాడిని అనే గుర్తింపు కోసం ప్రయత్నాలు చేస్తున్నారు.జేడీ ని చేర్చుకునేందుకు అనేక పార్టీలు ప్రయత్నాలు చేసినా,  ఆయన మాత్రం ఏ పార్టీ వైపు వెళ్లేందుకు ఆసక్తి చూపించడం లేదు.వైసిపి లో ఎలాగూ చేరే అవకాశం లేదు.

గతంలో జగన్ అక్రమాస్తుల కేసు విచారణ జేడీ ఆధ్వర్యంలోనే జరగడంతో ఆ పార్టీలో ఎట్టి పరిస్థితుల్లోనూ చేరరు.ఇక టిడిపిలో చేరుదామన్నా, ఇప్పటికే అక్కడ విశాఖ టిడిపి అభ్యర్థిగా భరత్ ను ప్రకటించారు.

ఇక బిజెపి జెడి కోసం ప్రయత్నాలు చేసినా,  తమ పార్టీలో చేరాల్సిందిగా ఆహ్వానం పంపినా,  మొదటి నుంచి ఆయన బిజెపికి దూరంగానే ఉంటున్నారు.ఇక మిగిలింది జనసేన పార్టీనే.

ఇటీవల కాలంలో జనసేన పైన , ఆ పార్టీ అధినేత పవన్ కళ్యాణ్( Pawan Kalyan ) పైన జెడి ప్రశంసలు కురిపిస్తున్నారు.