రూ.2.6 కోట్లు పెట్టి ఫెరారీ కొన్నాడు.. గంట తిరిగేలోపే అగ్నికి ఆహుతి.. ఎక్కడంటే..

జపాన్‌లోని టోక్యోలో( Tokyo ) ఓ షాకింగ్ సంఘటన జరిగింది.కళ్ల ముందే కన్న కల కరిగిపోయింది పదేళ్ల కష్టం గంటలోనే బూడిదైపోయింది.

హాంకాన్( Honkon ) అనే 33 ఏళ్ల మ్యూజిక్ ప్రొడ్యూసర్ పదేళ్లుగా కష్టపడి పైసా పైసా కూడబెట్టుకున్నాడు.తన కలల కారు ఫెరారీ 458 స్పైడర్( Ferrari 458 Spider ) కొనాలని అతని ఆశ.జపాన్‌లో ఈ లగ్జరీ కారు ధర సుమారు 43 మిలియన్ యెన్ (మన కరెన్సీలో సుమారు రూ.2.6 కోట్లు).కానీ పాపం, ఎంతో ఆశగా కొనుక్కున్న ఆ కారు, ఇంటికి తెచ్చిన గంటకే పూర్తిగా కాలి బూడిదైపోయింది.

కారు డెలివరీ తీసుకున్న కాసేపటికే ఈ ఘోరం జరిగింది.హాంకాన్ ఆ బ్రాండ్ న్యూ ఫెరారీని టోక్యోలోని మినాటో ఏరియాలో షుటో ఎక్స్‌ప్రెస్‌వేపై నడుపుతున్నాడు.ఇంతలో ఇంజన్ నుంచి పొగలు రావడం గమనించాడు.

ఏదో తేడా జరిగిందని గ్రహించి, వెంటనే కారును పక్కకు ఆపి బయటకు దూకేశాడు.అదృష్టవశాత్తూ, అతనికి ఎలాంటి గాయాలు కాలేదు.

అతను సమయానికి బయటపడటంతో పెను ప్రమాదం తప్పింది.