ఆ సర్వే ఫలితాలతో కన్నడ కమలం ఖుషి ! మోదీ ఎఫెక్టేనా ? 

పోలింగ్ సమయం దగ్గర పడిన సమయంలో జన్ కి బాత్  - సువర్ణ న్యూస్ ( కన్నడ )( Jan Ki Baat ) రెండో విడత సర్వే ఫలితాలు విడుదల చేసింది.ఈ సర్వేలో మళ్ళీ కర్ణాటకలో బిజెపికి సంపూర్ణ మెజారిటీ వచ్చి, ప్రభుత్వాన్ని ఏర్పాటు చేసే అవకాశం ఉన్నట్లుగా తేల్చింది.అంతేకాదు సొంతంగా బిజెపి అధికారంలోకి వస్తుందని సర్వే నివేదికలో వెల్లడించారు.

ఒకవేళ బిజెపి అధికారంలోకి రాకపోయినా, బీజేపీ మాత్రమే అతిపెద్ద పార్టీగా కర్ణాటకలో అవతరిస్తుందని ఆ సర్వే నివేదిక తేల్చడంతో బిజెపి శ్రేణుల్లో ఆనందం నెలకొంది.జన్ కి బాత్ - సువర్ణ న్యూస్ మొదట జరిగిన సర్వేలో బిజెపికి 98 నుంచి 119 స్థానాలు వస్తాయని పేర్కొంది.

కానీ ఏప్రిల్ 29 నుంచి ప్రధాని నరేంద్ర మోడీ కర్ణాటకలో విస్తృతంగా పర్యటించడం , కాంగ్రెస్ విమర్శలతో విరుచుకు పడడం,  జనాల్లోనూ దీనిపై చర్చ జరగడంతో ఫలితాలు తారుమారయ్యాయని,  కాంగ్రెస్ ను దాటుకుని బిజెపి ముందంజలో ఉందని తాజా సర్వే నివేదిక వెల్లడించింది.