ఉద్యోగులను ఆకట్టుకునే ప్రయత్నాలు మొదలయ్యాయా ?

జగన్ ( CM Jagan Mohan Reddy ) ప్రభుత్వం పట్ల వ్యతిరేకత ఉన్న వర్గాలలో ఉద్యోగ వర్గం కూడా ఒకటి .

ఆ వర్గానికి అనేక హామీలు ఇచ్చి అధికారంలోకి వచ్చిన తర్వాత వారి ఆకాంక్షలను పట్టించుకోలేదు అన్నది వారి ప్రధాన ఆరోపణ.

ఇప్పటికే ఈ దిశగా అనేక ఉద్యమాలు కూడా ఉద్యోగ వర్గాలు( AP Govt Employees ) చేశాయి .గత పిఆర్సి నివేదికలు( PRC ) అమలు చేయకపోవడం .ఓల్డ్ పెన్షన్ స్కీమ్ ని( OPS ) తిరిగి పునరుద్ధరిస్తామన్న హామీని నిలబెట్టుకోకపోవడం, జీతాలు పెంపు అమలు వాయిదా వేయడం కాంట్రాక్టు ఉద్యోగులను క్రమబద్ధీకరించడంలో నిర్లక్ష్యం చూపడం ఇలా అనేక కారణాలతో ఉద్యోగ వర్గాలు జగన్ ప్రభుత్వం కు వ్యతిరేకంగా మారాయి వచ్చే ఎన్నికల్లో ఈ వర్గాలు ప్రభుత్వానికి వ్యతిరేకంగా పనిచేస్తాయని అంచనాలు ప్రభుత్వానికి అందినట్లుగా తెలుస్తుంది .ఎన్నికల సంవత్సరం అయినందున అనేక వర్గాల నుంచి వస్తున్న వ్యతిరేకతను దృష్టిలో పెట్టుకొని వారిని బుజ్జగించే ప్రయత్నాలను ప్రభుత్వం మొదలుపెట్టిందని తెలుస్తుంది .