జగన్ ధీమా కు.. బాబు టెన్షన్ కు అదే కారణమా ? 

కొన్ని సర్వేలు ఒక పార్టీకి అనుకూలంగా ఉంటూ వస్తుండగా మరికొన్ని సర్వేలు మరో పార్టీ అధికారంలోకి వస్తుందని నివేదికలు ఇస్తున్నాయి.ఈ సర్వేల సంగతి పక్కన పెడితే .బహిరంగ సభలో పాల్గొంటున్న జగన్ చంద్రబాబు లను ఒకసారి పరిశీలిస్తే జగన్ గెలుపు తమదే అన్న ధీమా లో ఉన్నట్టుగా కనిపిస్తుండగా,  చంద్రబాబు మాత్రం కాస్త ఆందోళన చెందుతున్నట్టుగానే ఆయన ముఖ కవళికలు ఉన్నాయి.గతంతో పోలిస్తే టిడిపి బలంగానే ఉంది .2019 ఎన్నికల్లో కేవలం 23 స్థానాలకే టీడీపీ పరిమితమైనా,  ఇప్పుడు ఆ పరిస్థితి లేదు .హారా హోరీగా పోరు ఉండబోతోంది.వైసిపి వి బలంగా ఢీకొట్టే స్థాయిలోనే టిడిపి ఉంది.దీనికి తోడు జనసేన,  బిజెపిల తో పొత్తులో ఉంది.2019 ఎన్నికల్లో ఈ మూడు పార్టీలు విడివిడగానే ఎన్నికల్లో పోటీ చేశాయి.ఇప్పుడు వీరంతా ఏకం కావడంతో టిడిపి కి బలం మరింతగా పెరిగింది.