వాలంటీర్ల ఎఫెక్ట్ మామూలుగా ఉండదా ? 

ఏపీలో వాలంటీర్ల( AP volanteers ) వ్యవహారం హాట్ టాపిక్ గా మారింది.  ఎన్నికల విధులకు, వాలంటీర్లను దూరంగా ఉండాలని ఎన్నికల సంఘం ఆదేశించింది.

అలాగే పెన్షన్ల పంపిణీ , రేషన్ పంపిణీ వంటి కార్యక్రమాలకు దూరంగా ఉండాలని సూచించింది.దీంతో రాష్ట్రవ్యాప్తంగా వాలంటీర్ల సేవలు బంద్ అయ్యాయి.

ఇప్పటి వరకు వాలంటీర్ల ద్వారా ప్రభుత్వానికి సంబంధించిన అన్ని రకాల సేవలు ఉచితంగా తమ ఇళ్ల వద్దే అందుకుంటూ వస్తున్నా.జనాలకు ఇప్పుడు ఆ వ్యవస్థ తాత్కాలికంగా రద్దు కావడంతో అనేక రకాల ఇబ్బందులు ఎదుర్కొంటున్నారు.

ముఖ్యంగా గ్రామీణ ప్రాంతాల్లో వాలంటీర్ వ్యవస్థను జనం బాగా స్వాగతించారు.కానీ ఇప్పుడు ఎన్నికల నిబంధనల పేరుతో వారిని పక్కన పెట్టడంతో ఆ ఎఫెక్ట్ రాజకీయంగా ఎవరిపై ఉంటుందనేది ఆసక్తికరంగా మారింది.

వాలంటీర్ల వ్యవస్థను మొదటి నుంచి విపక్ష పార్టీలన్నీ తప్పు పడుతూనే వస్తున్నాయి.ఒక దశలో వారిపై అనుచిత వ్యాఖ్యలు చేయడం,  దానిపై కేసులు పెట్టడం వంటివన్నీ జరిగాయి.

ప్రస్తుతం వృద్ధులు,  వికలాంగులు, వితంతువు లకు వాలంటీర్ల ద్వారా తమ ఇంటి వద్దనే పెన్షన్ అందుకునే అవకాశం లేకపోవడం పై తీవ్ర వ్యతిరేకత వ్యక్తం అవుతుంది.విపక్ష పార్టీలే ఇదంతా చేశాయని విషయం జనాల్లోకి వెళ్ళింది.