భారత్ టాప్ ఆర్డర్ ఘోర విఫలం.. అద్భుతం చేసి గెలిపించింది వాళ్లే..!

భారత్-ఇంగ్లాండ్ ( India-England )మ్యాచ్ అనంతరం భారత జట్టు కెప్టెన్ రోహిత్ శర్మ ( Rohit Sharma )విజయం పై స్పందిస్తూ.

భారత టాప్ ఆర్డర్ ఘోరంగా విఫలం అయిందని, భారత పేసర్లతో పాటు స్పిన్నర్లు అద్భుతం చేసి ఈ విజయాన్ని అందించారని రోహిత్ శర్మ తెలిపాడు.

జట్టు పీకల్లోతు కష్టాల్లో ఉన్నప్పుడు అనుభవజ్ఞులైన తమ జట్టు ఆటగాళ్లంతా సమిష్టిగా పోరాడి జట్టును గెలిపించేందుకు ముందుంటారని, ఈ మ్యాచ్ తో మరోసారి రుజువైందని రోహిత్ శర్మ చెప్పుకొచ్చాడు.ఇంగ్లాండ్ అద్భుతమైన బౌలింగ్ తో తమను కట్టడి చేసే ప్రయత్నం చేసింది.

తమ జట్టు బ్యాటింగ్ అంత గొప్పగా లేదని, ఆరంభంలోనే తమ జట్టు మూడు వికెట్లను కోల్పోయి పీకల్లోతు కష్టాల్లో పడిందని, తనతో పాటు అంతా ఆఖరి వరకు కాస్త పోరాడి ఉంటే బాగుండేదని చెప్పాడు.తమ జట్టు కనీసం 250 పరుగులు నమోదు చేసి ఉంటే బాగుండేదని తాను అనుకున్నట్లు చెప్పాడు.

స్వల్ప లక్ష్య చేదనకు దిగిన ఇంగ్లాండ్ జట్టు ఆరంభంలోనే రెండు కీలక వికెట్లు కోల్పోవడం, దీంతో ప్రత్యర్థి పై ఒత్తిడి పెంచగలగడం తమకు సానుకూలాంశం.తమ పేసర్లు నిజంగా అద్భుతం చేయడం వల్లే మ్యాచ్ గెలిచామని తెలిపాడు.