యూకే : లీసెస్టర్ మేయర్ రేసులో భారత సంతతి వ్యక్తులు.. !!

వృత్తి, ఉద్యోగ, వ్యాపారాల కోసం వివిధ దేశాలకు వలస వెళ్లిన భారతీయులు ఇప్పుడు కీలక స్థానాల్లో వున్న సంగతి తెలిసిందే.

రాజకీయాల్లోనూ రాణిస్తూ పలు కీలక పదవులను సొంతం చేసుకుంటున్నారు.

అమెరికా, బ్రిటన్, ఆస్ట్రేలియా, కెనడా( America, Britain, Australia, Canada )లలో భారతీయుల ప్రాబల్యం ఎక్కువగా వున్న సంగతి తెలిసిందే.అక్కడి ఎన్నికల్లో అభ్యర్ధుల గెలుపొటములను మనవాళ్లే నిర్ణయిస్తున్నారు.

యూకే రాజకీయాల్లో ప్రస్తుతం భారతీయుల ప్రాబల్యం పెరుగుతున్న సంగతి తెలిసిందే.ఇప్పటికే ఆ దేశ ప్రధానమంత్రిగా ఎన్నికై రిషి సునాక్( Rishi Sunak ) చరిత్ర సృష్టించారు.

వీరే కాకుండా ఎంపీలుగా, మేయర్లుగా రాణిస్తున్నారు.తాజాగా లీసెస్టర్ మేయర్ రేసులో ఇద్దరు భారత సంతతి అభ్యర్ధులు పోటీపడుతున్నారు.

కన్జర్వేటివ్ పార్టీ కౌన్సిలర్ సంజయ్ మోద్వాడియా, లేబర్ పార్టీ నుంచి రీటా పటేల్‌లు తలపడుతున్నారు.మోద్వాడియా ఆ ప్రాంతంలో వ్యాపారవేత్తగా గుర్తింపు తెచ్చుకున్నారు.

ప్రపంచవ్యాప్తంగా లీసెస్టర్‌కు మరింత ప్రాచుర్యాన్ని తీసుకొచ్చేందుకు గాను ఆయన ‘‘మేడ్ ఇన్ లీసెస్టర్’’( Made in Leicester ) పేరిట ప్రచారం చేస్తున్నారు.మే 4న అక్కడ మేయర్ ఎన్నికలు జరగనున్నాయి.