నేను పార్టీ మారడం లేదు ! వైసీపీ ఎమ్మెల్యే క్లారిటీ 

ఏపీ అధికార పార్టీ వైసీపీలో పరిణామాలు ఆందోళనకరంగా మారాయి.ఏపీలో సార్వత్రిక ఎన్నికలకు కేవలం కొద్ది నెలలు సమయం ఉండగా.

ఆ పార్టీలోని నాయకులు ఒక్కొక్కరుగా తమ అసంతృప్తిని వెళ్లగక్కుతో పార్టీకి దూరమవుతున్నారు.  ఇప్పటికే మంగళగిరి వైసీపీ ఎమ్మెల్యే ఆళ్ల రామకృష్ణారెడ్డి( Alla Ramakrishna Reddy ) పార్టీకి,  శాసనసభ సభ్యత్వానికి రాజీనామా చేసిన సంగతి తెలిసిందే.

ఆయన రాజీనామాకు పూర్తి కారణాలు తెలియనప్పటికీ ఆళ్ల ను బుజ్జగించేందుకు వైసిపి కీలక నేతలంతా రంగంలోకి దిగారు.ఆళ్ల రామకృష్ణారెడ్డి వ్యవహారం అలా ఉండగానే.

  మరో వైసీపీ ఎమ్మెల్యే పార్టీకి, పదవికి రాజీనామా చేశారంటూ మీడియా , సోషల్ మీడియాలో పెద్ద ఎత్తున ప్రచారం మొదలైంది .దీంతో ఈ వ్యవహారంపై మైలవరం వైసీపీ ఎమ్మెల్యే వసంత కృష్ణ ప్రసాద్( Vasantha Krishna Prasad ) ఈ వ్యవహారంపై స్పందించారు .పార్టీకి రాజీనామా చేశాను అంటూ వస్తున్న వార్తల్లో ఏమాత్రం నిజం లేదని, తన రాజీనామా ప్రచారాన్ని ఖండిస్తున్నానని కృష్ణ ప్రసాద్ క్లారిటీ ఇచ్చారు .