అన్నీ పార్టీల్లో " హంగ్ భయం " !

తెలంగాణలో ఎన్నికల వేడి తారస్థాయిలో కొనసాగుతోంది.మరో 25 రోజుల్లో పోలింగ్ జరగనుండడంతో డిసెంబర్ 3 న పార్టీల భవిష్యత్ తేలిపోనుంది.

ప్రస్తుతం అధికార బి‌ఆర్‌ఎస్ మరియు కాంగ్రెస్, బీజేపీ పార్టీల మద్య త్రిముఖ పోటీ నెలకొంది.గతంతో పోల్చితే ఈసారి మూడు పార్టీలు నువ్వా నేనా అన్నట్లు పోటీ పడే అవకాశాలు కనిపిస్తున్నాయి.

గత తొమ్మిదేళ్లలో పాలనను ప్రజల్లోకి తీసుకెళ్తూ మళ్ళీ అధికారం కోసం బి‌ఆర్‌ఎస్( BRS ) ఆరాటపడుతుంటే.ఈసారి బి‌ఆర్‌ఎస్ కు చెక్ పెట్టి తాము అధికారం చేపట్టాలని చూస్తున్నాయి కాంగ్రెస్,( Congress ) బీజేపీ( BJP ) పార్టీలు.

ఈసారి సర్వేలు కూడా మిశ్రమ ఫలితాలను ఇస్తుండడంతో అధికారం ఏ పార్టీని వరిస్తుందనేది విశ్లేషకులు సైతం అంచనా వేయలేని పరిస్థితి.ఈ నేపథ్యంలో మూడు ప్రధాన పార్టీలను కూడా హంగ్ భయం పట్టుకుంది.

ఒకవేళ ఏ పార్టీకి మ్యాజిక్ ఫిగర్ ఫలితాలు రాకపోతే ఎలా అనే ఆందోళన అన్నీ పార్టీలను కలవరపెడుతోందట.