అతిపెద్ద కోడిపుంజు-ఆకారపు బిల్డింగ్ ఎప్పుడైనా చూశారా.. వరల్డ్ రికార్డు బద్దలు కొట్టింది..

ఈ ప్రపంచంలో ఎన్నో విచిత్రమైన రెస్టారెంట్లు, హోటల్స్, రిసార్ట్స్ ఉన్నాయి.కొన్ని హోటళ్ల ఆకారాలు విడ్డూరంగా కనిపిస్తూ అందరి దృష్టిని ఆకర్షిస్తుంటాయి.

అయితే ఫిలిప్పీన్స్‌(Philippines) దేశం, నీగ్రోస్ ఆక్సిడెంటల్‌ మునిసిపాలిటీలోని కాంప్యూస్టోహాన్ హైలాండ్ రిసార్ట్‌లో(Campuestohan Highland Resort) ఓ వింత భవనం ఉంది.అది అతి పెద్ద కోడిపుంజు ఆకారంలో ఉంటుంది.

ఈ భవనం చూడటానికి ఎంతో ఆకర్షణీయంగా, అద్భుతంగా ఉంటుంది.ఈ విశాలమైన భవనం 34.9 మీటర్ల ఎత్తు, 12.1 మీటర్ల వెడల్పు, 28.2 మీటర్ల పొడవు ఉంటుంది.దీని లోపల 15 గదులు ఉన్నాయి.

ప్రతి గదిలో ఎయిర్ కండిషనింగ్, పెద్ద పడకలు, టీవీలు, స్నానాల గదులు వంటి అన్ని సౌకర్యాలు ఉన్నాయి.ఫిలిప్పీన్స్‌కు వెళ్లి అద్భుతమైన భవనాలను చూడాలనుకునే వారికి ఈ కోడి ఆకారపు భవనం(Chicken-Shaped Building) తప్పకుండా నచ్చుతుంది.

నెగ్రోస్ ఆక్సిడెంటల్‌లోని కంప్యూస్టోహాన్ హైలాండ్ రిసార్ట్‌లో ఉన్న ప్రపంచంలోనే అతిపెద్ద కోడి ఆకారపు భవనం గురించి మీకు తెలుసు కదా? ఈ అద్భుతమైన ఆలోచన రికార్డో కానో గ్వపో తాన్‌కి వచ్చింది.ఈ రిసార్ట్‌ కోసం భూమిని కొన్నది ఆయన భార్యే.

ఈ భవనాన్ని నిర్మించడానికి చాలా కాలం పట్టింది.దీన్ని నిర్మించాలని నిర్ణయించుకున్న తర్వాత దాదాపు ఆరు నెలలు పాటు ప్లాన్ చేశారు.

చివరకు 2023 జూన్ 10న ఈ భవన నిర్మాణం మొదలైంది.దీంతో ప్రపంచంలోనే అతిపెద్ద కోడి ఆకారపు భవనంగా గిన్నిస్ వరల్డ్ రికార్డ్ కూడా సొంతం చేసుకుంది.

ఈ రికార్డును 2024 సెప్టెంబర్ 8న అధికారికంగా ప్రకటించారు.