హెచ్ 1 బీ వీసాల్లో మోసాలకు చెల్లు చీటి.. ప్రాసెసింగ్, ఎంపిక ప్రక్రియలో కొత్త రూల్స్

విదేశీ వృత్తి నిపుణులను అమెరికా సంయుక్త రాష్ట్రాల్లో ఉద్యోగం చేసుకునేందుకు వీలు కలిగించే హెచ్ 1 బీ వీసా( H1B Visa ) ప్రక్రియకు సంబంధించి మోసాలకు చెక్ పెట్టేందుకు అగ్రరాజ్యం కీలక నిర్ణయాలు తీసుకుంది.

ఇకపై దరఖాస్తుదారు బహుళ దరఖాస్తులు చేసుకున్నా.

ఒకే అప్లికేషన్‌గా పరిగణించనున్నారు.రిజిస్ట్రేషన్ల సంఖ్యతో సంబంధం లేకుండా.దరఖాస్తుదారులందరికీ సమాన అవకాశాలు కల్పించడం కోసం ఈ ప్రక్రియకు నిర్ణయం తీసుకున్నట్లు యూఎస్ సిటిజన్‌షిప్ అండ్ ఇమ్మిగ్రేషన్ సర్వీసెస్ విభాగం (యూఎస్‌సీఐఎస్) వెల్లడించింది.2025 ఆర్ధిక సంవత్సరానికి గాను మొదలయ్యే వీసా రిజిస్ట్రేషన్ ప్రక్రియలో ఈ నిబంధనలను అమలు చేయాలని యూఎస్‌సీఐఎస్( USCIS ) వెల్లడించింది.ఈ క్రమంలో లబ్ధిదారుడు సరైన పాస్‌పోర్ట్( Valid Passport ) వివరాలు, ప్రయాణ పత్రాలను తప్పనిసరిగా సమర్పించాల్సి వుంటుంది.

హెచ్ 1 బీ వీసాల కోసం మొదటి రిజిస్ట్రేషన్ పీరియడ్ మార్చి 6 నుంచి మార్చి 22 వరకు కొనసాగనుంది.ఫాం ఐ 129, నాన్ క్యాప్ హెచ్ 1 బీ పిటిషన్ల కోసం ఫాం ఐ 907లను ఆన్‌లైన్‌లో నమోదు చేయించాల్సి వుంటుంది.