అమెరికా వెళ్లాలనుకుంటున్న విద్యార్థులకు గుడ్‌న్యూస్.. త్వరలోనే వీసా ఇంటర్వ్యూ స్లాట్లు..

అమెరికాలోని ప్రతిష్టాత్మక విశ్వవిద్యాలయాల్లో చదువుకోవాలని చాలామంది విదేశీ విద్యార్థులు కలలు కంటారు.భారతదేశంలో కూడా లక్షల మంది విద్యార్థులు యూఎస్ఏకి (USA) వెళ్లి చదువుకోవాలనుకుంటారు.

ముఖ్యంగా తెలుగు రాష్ట్రాల నుంచి ఎక్కువ మంది విద్యార్థులు అమెరికాకి (America)వెళుతుంటారు.అయితే వారి కలలను సాకారం చేసే దిశగా అమెరికా ప్రభుత్వం అడుగులు వేస్తున్నట్టు తెలుస్తోంది.

లేటెస్ట్ రిపోర్ట్స్ ప్రకారం, యూఎస్ఏ గవర్నమెంట్ స్టూడెంట్ వీసా ఇంటర్వ్యూ స్లాట్స్ ( visa interview slots) రిలీజ్ చేసేందుకు సన్నాహాలు మొదలు పెట్టేసింది.విద్యార్థులు దరఖాస్తు చేసుకోవడానికి దశలవారీగా ఈ వీసా(visa) ఇంటర్వ్యూ స్లాట్లను విడుదల చేయనున్నట్లు సమాచారం.ఈ వీసా వివిధ రంగాలలో నైపుణ్యం పొందడానికి, అంతర్జాతీయ స్థాయిలో పోటీపడేందుకు వీలు కల్పిస్తుంది.2024, మే రెండో వారం నుంచి ఇంటర్వ్యూ స్లాట్లను రిలీజ్ కావడం మొదలు పెడతారు.ఈ స్లాట్లు ఆగస్టు రెండో వారం వరకు అందుబాటులో ఉంటాయి.

అమెరికాలో ఫాల్ సీజన్‌కు సంబంధించిన సెమిస్టర్ ఆగస్టు నెల, సెప్టెంబర్ నెల మధ్యకాలంలో స్టార్ట్ అవుతుందని గమనించాలి.