కూటమి కొంప ముంచబోతున్న ' గాజు గ్లాస్ ' 

మిగిలిన నియోజకవర్గాల్లో టిడిపి, బీజేపీలు పోటీ చేస్తున్నాయి.అయితే ఆయా నియోజకవర్గల్లో గాజు గ్లాస్( Glass symbol ) గుర్తును స్వతంత్ర అభ్యర్థులకు కేటాయించడం, టిడిపి, బిజెపి లకు ఆందోళన కలిగిస్తోంది.జనసేన పార్టీ స్థాపించి దాదాపు 10 ఏళ్లు దాటుతోంది.2014లో జరిగిన ఎన్నికలకు జనసేన దూరంగా ఉంది.కానీ 2019 ఎన్నికల్లో ఆ పార్టీ పోటీ చేసి కేవలం ఒక్క నియోజకవర్గంలో మాత్రమే విజయం సాధించింది.ఓటింగ్ శాతం కూడా ఆరు శాతానికి మించలేదు.2019 ఎన్నికల్లో జనసేన అభ్యర్థులు రాష్ట్ర వ్యాప్తంగా పోటీ చేయడంతో, ఆ పార్టీ అభ్యర్థులకు గాజు గ్లాస్ గుర్తును కేటాయించారు.దీనిపై న్యాయపరంగా ఎన్ని పోరాటాలు చేసినా ప్రయోజనం లేకుండా పోయింది.

చాలా చోట్ల టిడిపి, జనసేన తరఫున రెబల్ అభ్యర్థులుగా పోటీకి దిగిన వారికి గాజు గ్లాసు గుర్తు కేటాయించడంతో కూటమి పార్టీల్లో ఆందోళన మొదలైంది.