టిడిపిలోకి మల్లారెడ్డి ? పెద్ద ప్లానే ఇది 

బీఆర్ఎస్ ఎమ్మెల్యే , మాజీ మంత్రి మల్లారెడ్డి( Mallareddy ) గురించి ప్రత్యేకంగా చెప్పుకోనవసరం లేదు.

బీఆర్ఎస్( BRS ) ప్రభుత్వంలో మంత్రిగా పనిచేసిన మల్లారెడ్డి తనకంటూ ఒక ప్రత్యేక గుర్తింపు తెచ్చుకున్నారు.

మీడియా , సోషల్ మీడియాలో ఎప్పుడూ ఆయన ట్రెండింగ్ లో ఉండేవారు.  ఇక బీఆర్ఎస్ ఇటీవల జరిగిన అసెంబ్లీ ఎన్నికల్లో ఓటమి చెందినా మల్లారెడ్డి ఎమ్మెల్యేగా గెలిచారు.

అయితే గెలిచిన దగ్గర నుంచి ఆయనకు రాజకీయంగా , వ్యక్తిగతంగా కష్టాలు మొదలయ్యాయి.గత బీఆర్ఎస్ ప్రభుత్వంలో కీలకంగా వ్యవహరించిన మల్లారెడ్డి అప్పట్లో విసిరిన చాలెంజ్ లు ఇప్పుడు ఆయనకు ఇబ్బందికరంగా మారాయి.

  బీఆర్ఎస్ ఓటమి చెందడం , కాంగ్రెస్( Congress ) అధికారంలోకి రావడంతో మల్లారెడ్డి టార్గెట్ అయ్యారు.దీంతో కాంగ్రెస్ లో చేరాలని ముందుగా భావించినా  తెలంగాణ సీఎం రేవంత్ రెడ్డితో( CM Revanth Reddy ) రాజకీయంగాను,  వ్యక్తిగతంగాను వైరం ఉండడంతో మల్లారెడ్డిని కాంగ్రెస్ చేర్చుకునేందుకు ఇష్టపడడం లేదు.

 ఇక బిజెపిలో చేరాలని భావించినా అక్కడ అదే పరిస్థితి .ఈ క్రమంలో ఆయన రాజకీయంగా అనేక ఇబ్బందులు ఎదుర్కొంటున్నారు.  దీంతో ఆలోచనలో పడ్డ మల్లారెడ్డికి టిడిపి ఆప్షన్ గా కనిపిస్తోంది.