చిగుళ్ల నుంచి తరచూ రక్తం వస్తుందా.. అయితే ఈ టిప్స్ మీకోసమే!

సాధారణంగా కొందరికి చిగుళ్ల( Gums ) నుంచి తరచూ రక్తం వస్తుంటుంది.చిగుళ్ల వ్యాధి యొక్క ప్రారంభ లక్షణం ఇది.

చిగురువాపు, కఠినమైన టూత్ బ్రష్ లను వాడటం, నోటి ప‌రిశుభ్ర‌త లేక‌పోవ‌డం, ఎక్కువసేపు బ్రష్ చేయడం, ధూమపానం, పోషకాల కొరత పలు రకాల రుగ్మతల కారణంగా చిగుళ్ల నుంచి రక్తం వస్తుంటుంది.చిగుళ్ల నుంచి రక్తస్రావం అనేది సాధారణ నోటి సమస్యల్లో ఒకటి అయినప్పటికీ.

దానిని నిర్లక్ష్యం చేస్తే మాత్రం అనేక ఇబ్బందులను ఎదుర్కోవాల్సి వస్తుంది.ఈ నేపథ్యంలోనే చిగుళ్ల రక్తస్రావం సమస్యకు అడ్డుకట్ట వేసే కొన్ని సింపుల్ అండ్ ఎఫెక్టివ్ టిప్స్ గురించి ఇప్పుడు తెలుసుకుందాం.

చిగుళ్ల నుంచి రక్తస్రావం( Bleeding ) అవుతున్న వారికి ఉప్పు నీరు చాలా బాగా సహాయపడుతుంది.ప్రతిరోజు ఒక గ్లాసు గోరువెచ్చని నీటిలో ఒక స్పూన్ ఉప్పు( salt ) కలపాలి.

ఈ ఉప్పు నీటిని నోట్లో పోసుకుని పుక్కిలించి ఉమ్మేయాలి.రోజుకు రెండు సార్లు ఈ విధంగా చేయడం వల్ల చిగుళ్ల ఆరోగ్యం మెరుగుపడుతుంది.

చిగుళ్ల నుంచి రక్తస్రావం రాకుండా ఉంటుంది.తేనె( honey ) కూడా మీ సమస్యకు పరిష్కారాన్ని అందిస్తుంది.

రోజుకు ఒకటి లేదా రెండు సార్లు తేనెను చిగుళ్లపై అప్లై చేసుకోవాలి.ఇలా చేయడం వల్ల చిగుళ్లలో బ్యాక్టీరియా తగ్గుతుంది.

మరియు చిగుళ్ల రక్తస్రావం నుండి ఉపశమనం పొందవచ్చు.