ఫాస్ట్ ట్యాగ్ రూల్స్ మారుతున్నాయి.. వీటిని అప్డేట్ చేసారా?

దేశవ్యాప్తంగా ట్రాఫిక్ రద్దీని తగ్గించేందుకు, టోల్ వసూలును క్రమబద్ధీకరించేందుకు ఫాస్ట్ ట్యాగ్ ప్రవేశపెట్టిన సంగతి తెలిసిందే.

కానీ ఇప్పటికీ ఫాస్ట్ ట్యాగ్ విషయంలో ఎప్పటికప్పుడు చాలా మార్పులు చూస్తున్నాం.

ఫాస్ట్ ట్యాగ్ KYCని పేర్కొన్న వ్యవధిలోగా అప్‌డేట్ చేయకపోతే, సంబంధిత ఫాస్ట్ ట్యాగ్ (FAST TAG) ఖాతాలు డీయాక్టివేట్ చేయబడతాయని గుర్తుంచుకోవాలి.కాబట్టి, వినియోగదారులు వెంటనే ఫాస్టాగ్ KYCని అప్‌డేట్ చేయాలి.

కొత్త నిబంధనల ప్రకారం, ఫాస్ట్ ట్యాగ్ వినియోగదారులు కొత్త వాహనాన్ని కొనుగోలు చేసిన 90 రోజులలోపు తమ వాహన లైసెన్స్ ప్లేట్ తమ ఫాస్ట్ ట్యాగ్ ఖాతాకు లింక్ చేసారో లేదో చూసుకోవాలి.ఇలా వినియోగదారులు మొదటి 90 రోజులలోపు వాహన రిజిస్ట్రేషన్ నంబర్‌ను అప్‌డేట్(Update registration number) చేయకుంటే, వారికి అదనంగా 30 రోజుల గ్రేస్ పీరియడ్ ఇవ్వబడుతుంది.

అయితే, ఈ గడువును చేరుకోవడంలో విఫలమైతే మీరు బ్లాక్‌లిస్ట్ లో చేర్చబడతారు.దాంతో దీన్ని ఉపయోగించకుండా నిషేధించబడతారు.