వైరల్ వీడియో: ఆలయ ఉత్సవాల్లో రెచ్చిపోయిన ఏనుగులు.. ముగ్గురు మృతి

కోజికోడ్ జిల్లాలోని( Kozhikode ) కోయిలాండిలో ఘోర అపశృతి చోటుచేసుకుంది.కురువంగాడ్‌లోని మణికులంగర ఆలయ( Manikulangara Temple ) ఉత్సవాలు హఠాత్తుగా విషాదకరంగా మారాయి.

ఉత్సవాల్లో భాగంగా ఆలయానికి తీసుకురావబడిన ఏనుగులు( Elephants ) టపాసుల శబ్ధాలకు భయపడిపోవడంతో తొక్కిసలాట( Stampede ) జరిగింది.ఈ ఘటనలో ముగ్గురు భక్తులు ప్రాణాలు కోల్పోగా, 30 మందికి పైగా గాయపడ్డారు.

గురువారం రాత్రి ఉత్సవాలు జరుగు సమయంలో ఆలయ ఆవరణలో భక్తులు పెద్దఎత్తున బాణసంచా పేల్చారు.ఈ శబ్ధాలకు భయపడిన పీతాంబరన్, గోకుల్ అనే రెండు ఏనుగులు కోపముగా మారి భక్తులపైకి దూసుకొచ్చాయి.

భక్తులు ఆవరణలో నుండి బయటపడేందుకు పరిగెత్తడంతో తీవ్ర తొక్కిసలాట జరిగింది.ఈ తొక్కిసలాటలో లీల (56), అమ్ముకుట్టి అమ్మ (70), రాజన్ అనే ముగ్గురు భక్తులు తీవ్ర గాయాలపాలై ప్రాణాలు కోల్పోయారు.