నెల‌స‌రి స‌మ‌యంలో అర‌టి పండ్లు తింటే ఏం అవుతుందో తెలుసా..?

ఏడాది పొడవునా లభించే అతి చౌకైన పండ్లలో అరటిపండు( banana ) ముందు వరుసలో ఉంటుంది.

ధర తక్కువే అయినా పోషకాలు మాత్రం అరటి పండులో మెండుగా ఉంటాయి.

అయితే అరటి పండ్లు రుతుక్రమ అసౌకర్యాన్ని దూరం చేయడంలో సహాయపడతాయని ఎంతమందికి తెలుసు.? ఆశ్చర్యంగా అనిపించినప్పటికీ మీరు విన్నది నిజమే.మన శరీరానికి అవసరమయ్యే ఎన్నో ముఖ్యమైన పోషకాలకు అరటిపండు పవర్ హౌస్ లాంటిది.

ఆరోగ్యపరంగా అరటిపండు ఎన్నో ప్రయోజనాలను చేకూరుస్తుంది.ముఖ్యంగా ఆడవారికి అరటిపండ్లు ఒక వ‌రమ‌నే చెప్పుకోవచ్చు.

నెలసరి సమయంలో హార్మోన్ల హెచ్చుతగ్గుల వల్ల మూడ్ స్వింగ్స్, కాళ్లు లాగేయడం, నడుం నొప్పి, కడుపు నొప్పి వంటి సమస్యలు చాలా తీవ్రంగా ఇబ్బంది పెడుతుంటాయి.అయితే అరటి పండ్లు ఆయా సమస్యలకు సమర్థవంతంగా చెక్ పెడతాయి.

అరటి పండులో విటమిన్ బి6( Vitamin B6 ) ఉంటుంది.ఇది హార్మోన్లను సమతుల్యం చేస్తుంది.

మానసిక స్థితిని స్థిరీకరిస్తుంది.కొన్ని భావోద్వేగ లక్షణాల తీవ్రతను తగ్గిస్తుంది.

అదే స‌మ‌యంలో నెల‌స‌రి నొప్పుల‌ను దూరం చేస్తుంది.