సంపూర్ణ నవగ్రహ దేవాలయం విశిష్టత ఏమిటో తెలుసా?

సాధారణంగా నవగ్రహాలు మనకు ఎక్కువగా శివాలయం లో కనిపిస్తాయి.అయితే ఆలయ ఆవరణంలో కేవలం ఒక మండపంలో మాత్రమే ఈ నవగ్రహలు మనకు దర్శనమిస్తాయి.

అయితే ఈ మండపంలో కేవలం మనకు 9 గ్రహాలు దర్శనమివ్వడం చూస్తుంటాము.కానీ శివాలయంలో మాత్రం దేశంలో ఎక్కడా లేనివిధంగా నవ గ్రహాల కూటమి ఏర్పడి సంపూర్ణ నవగ్రహ దేవాలయంగా ప్రసిద్ధి చెందింది.

మరి ఈ సంపూర్ణ నవగ్రహ దేవాలయం ఎక్కడ ఉంది? ఆలయంలోని నవగ్రహాల విశిష్టత ఏమిటి అనే విషయాలను తెలుసుకుందాం.తెలంగాణ రాష్ట్రంలోని, మెదక్ జిల్లా, తొగుట మండలం, రాంపూర్ గ్రామంలోని శ్రీ గురు మదనానంద శారదాపీఠం ఉంది.

ఆ పీఠంలో సంపూర్ణ నవగ్రహ ఆలయం ఉంది.అన్ని ఆలయాలలో మాదిరిగా కాకుండా ఈ ఆలయంలో నవగ్రహాలు ఎంతో ప్రత్యేకమైనవి.ఈ నవగ్రహాలలో ప్రతి గ్రహానికి ఆదిదేవుడు, ప్రత్యర్థిదేవతలు, దిక్పాలకుల సహితంగా ఈ ఆలయాన్ని నిర్మించారు.

ఈ ఆలయంలో ప్రవేశించగానే మనకు మొత్తం 64 మంది దేవతామూర్తులు దర్శనమిస్తారు.ఈ విధంగా ప్రతి ఒక్క గ్రహానికి సంబంధించిన దేవతలు ఈ ఆలయంలో కొలువై ఉండటం వల్ల సంపూర్ణ నవగ్రహ దేవాలయం అని పిలుస్తారు.