వన్డే వరల్డ్ కప్ లో భారీ రికార్డుపై కన్నేసిన విరాట్ కోహ్లీ..!

Khaja Hussain

News Reporter

2023-10-01   12:45:46  IST

భారత జట్టు రన్ మెషిన్ విరాట్ కోహ్లీ( Virat Kohli ) ఖాతాలో ఇప్పటికే ఎన్నో భారీ రికార్డులు ఉన్నాయి.

Ad

ఏ టోర్నీ ప్రారంభమైన విరాట్ కోహ్లీ ఖాతాలో కొన్ని సరికొత్త రికార్డులు పడుతుంటాయి.

ఎవరు బ్రేక్ చేయలేని మాజీ క్రికెటర్ల రికార్డులను బ్రేక్ చేయడంలో విరాట్ కోహ్లీ తర్వాతే ఎవరైనా.భారత్ వేదికగా జరుగనున్న వన్డే వరల్డ్ కప్ లో ఓ భారీ రికార్డు బద్దలు కొట్టేందుకు విరాట్ కోహ్లీ సిద్ధమయ్యాడు.

ఇంతకీ ఆ రికార్డు ఏమిటో చూద్దాం.

భారత్ వేదికగా జరిగే వన్డే వరల్డ్ కప్ ( One Day World Cup )అక్టోబర్ ఐదు న న్యూజిలాండ్- ఇంగ్లాండ్ మ్యాచ్ తో ప్రారంభం ఉంది.ఈ విషయం అందరికీ తెలిసిందే.ఇక అక్టోబర్ 8న భారత్ తన తొలి మ్యాచ్ ఆస్ట్రేలియా( Australia ) తో ఆడనుంది.

ఈ మ్యాచ్ కోసం భారత క్రికెట్ అభిమానులు ఎంతో ఆతురతతో ఎదురుచూస్తున్నారు.ఈ మ్యాచ్ ద్వారా విరాట్ కోహ్లీ ఓ అరుదైన రికార్డ్ క్రియేట్ చేయనున్నాడు.నాలుగు వన్డే వరల్డ్ కప్ టోర్నీలు ఆడిన ఐదో భారత ఆటగాడిగా విరాట్ కోహ్లీ సరికొత్త రికార్డు సృష్టించనున్నాడు.

ఈ టోర్నీతో కపిల్ దేవ్, సునీల్ గవాస్కర్, అనిల్ కుంబ్లే, ధోని లాంటి భారత క్రికెటర్ల దిగ్గజాల సరసన కోహ్లీ చేరనున్నాడు.