'కరెంట్ ' ధర్నాలు కలిసిరాలేదా ? బీఆర్ఎస్ లో అంతర్మథనం

తెలంగాణ కాంగ్రెస్ అధ్యక్షుడు రేవంత్ రెడ్డి( Revanth Reddy ) ఉచిత విద్యుత్ అంశంపై చేసిన వ్యాఖ్యలు పెద్ద రాజకీయ దుమారం రేపిన నేపథ్యంలో ఆ వ్యాఖ్యలను తమకు అనుకూలంగా మార్చుకుని కాంగ్రెస్ పై ప్రజలలోను వ్యతిరేకత పెంచే విధంగా చేయాలనే వ్యూహంతో బిఆర్ఎస్ రాష్ట్ర వ్యాప్తంగా రేవంత్ వ్యాఖ్యలకు నిరసనగా ఆందోళన కార్యక్రమాలకు నిన్న పిలుపునిచ్చింది.

రాష్ట్రవ్యాప్తంగా అన్ని జిల్లాలు, అన్ని నియోజకవర్గాల్లో ఈ ఆందోళన కార్యక్రమాలు చేపట్టాలని బీఆర్ఎస్ పిలుపునివ్వడం, దానికి తగ్గట్లుగానే ఎక్కడికక్కడ ఈ కార్యక్రమాలు జరిగాయి.

అయినా ఆశించిన స్థాయిలో అయితే ఈ కార్యక్రమం సక్సెస్ కాలేదనే అభిప్రాయం బీఆర్ ఎస్ అగ్ర నేతల్లో కలిగింది.దీనికి తోడు మీడియా కవరేజ్ కూడా పెద్దగా లేదని, గతంలో మాదిరిగా ఈ కార్యక్రమం ఎందుకు సక్సెస్ కాలేదనే అభిప్రాయంతో బీఆర్ఎస్ అగ్ర నేతలు ఉన్నారు.