బీసీసీఐ పై క్రికెట్ ఫ్యాన్స్ ఫైర్..ప్రారంభ వేడుకలు లేకుండానే వరల్డ్ కప్ ఆరంభం..!

భారత్ వేదికగా జరిగే వన్డే వరల్డ్ కప్ టోర్నీ( ODI World Cup Tournament ) ప్రపంచంలోనే అతిపెద్ద క్రికెట్ స్టేడియం అహ్మదాబాద్( Ahmedabad ) లోని నరేంద్ర మోడీ మైదానం వేదికగా మరి కాసేపట్లో ఎటువంటి ప్రారంభ వేడుకలు లేకుండా ఆరంభం అవుతూ ఉండడంతో బీసీసీఐ పై క్రికెట్ అభిమానులు ఫైర్ అవుతున్నారు.

సాధారణంగా ప్రపంచ కప్ లాంటి మెగా టోర్నీలు ప్రారంభానికి ముందు ఆరంభ వేడుకలు నిర్వహిస్తుంటారు.

ఈ ప్రారంభ వేడుకలలో పలువురు ప్రముఖ తారలు డాన్స్, పాటలు లాంటి కార్యక్రమాలతో మైదానంలో ఉండే అభిమానులను అలరిస్తారు.మన భారత దేశంలో ప్రతి సంవత్సరం జరిగే ఐపీఎల్ కు ముందు బీసీసీఐ ఆరంభ వేడుకలను( BCCI opening ceremony) ఎంత ఘనంగా నిర్వహిస్తుందో మనందరికీ తెలిసిందే.

అలాంటిది భారత్ వేదికగా జరిగే వన్డే వరల్డ్ కప్ టోర్నీ ఇంకా ఎంత ఘనంగా నిర్వహిస్తుందో అని క్రికెట్ అభిమానులు భావించారు.కానీ చివరకు క్రికెట్ అభిమానులకు బీసీసీఐ నిరాశనే మిగిలించింది.