చిరంజీవి.. ఆ రీమేక్‌ ఎంత వరకు వచ్చింది?

మెగా స్టార్‌ చిరంజీవి ( Chiranjeevi ) బ్యాక్ టు బ్యాక్ గాడ్ ఫాదర్ ( Godfather )మరియు వాల్తేరు వీరయ్య సినిమా ( Waltair Veerayya ) లతో సక్సెస్‌ లను సొంతం చేసుకున్నాడు.

ఇప్పుడు మెహర్ రమేష్ దర్శకత్వం లో రూపొందుతున్న భోళా శంకర్ సినిమా లో నటిస్తున్న విషయం తెల్సిందే.

భారీ అంచనాల నడుమ రూపొందుతున్న ఈ సినిమా ను ఆగస్టు లో ప్రేక్షకుల ముందుకు తీసుకు రాబోతున్న విషయం తెల్సిందే.రికార్డు స్థాయి లో బడ్జెట్‌ ను ఈ సినిమా కోసం ఖర్చు చేశారు అంటూ వార్తలు వస్తున్నాయి.

భోళా శంకర్ సినిమా విషయాన్ని పక్కన పెడితే ప్రస్తుతం అందరి దృష్టి చిరంజీవి తదుపరి చేయబోతున్న సినిమా పై పడింది.మలయాళ సూపర్ హిట్ మూవీ బ్రో డాడీ ని తెలుగు లో చిరంజీవి రీమేక్ చేసేందుకు సిద్ధం అయ్యాడు.

అందుకు సంబంధించిన కాస్టింగ్ కూడా వార్తలు వచ్చాయి.చిరంజీవి మరియు సిద్దు జొన్నలగడ్డ తండ్రి కొడుకు పాత్ర లో కనిపించబోతున్నారు.