ఆ జిల్లాలో వైసీపీ అభ్య‌ర్థుల మార్పు..? గ‌ట్టి పోటీ ఇవ్వాల‌ని...!!

అవ‌స‌రాన్ని బ‌ట్టి.పరిస్థితుల‌ను బ‌ట్టి పార్టీలు అభ్య‌ర్థుల స్టానాలు మారుస్తుంటాయి.

అవ‌స‌ర‌మైతే అభ్య‌ర్థుల‌ను కూడా మారుస్తాయి.అలాగే పార్టీ బ‌లంగా ఉన్న చోట్ల కూడా మార్పులు చేస్తుంటాయి.

ఇప్పుడు ఏపీలో వైసీపీ కూడా అదే చేస్తుంద‌ని అంటున్నారు.ఏపీలో అన్ని పార్టీలకు కీలకమైన జిల్లా గుంటూరు.

ఈ జిల్లాలో ఏకంగా 17 అసెంబ్లీ నియోజకవర్గాలు ఉన్నాయి.తూర్పుగోదావరిలో 19 స్థానాలు ఉండ‌గా ఈ జిల్లా త‌ర్వాత అత్యధిక అసెంబ్లీ సీట్లు గుంటూరు జిల్లాలోనే ఉన్నాయి.

అలాగే రాష్ట్రంలోనే అత్యధికంగా తూర్పుగోదావరితో సమానంగా మూడు పార్లమెంట్ సీట్లు కూడా గుంటూరులోనే ఉన్నాయి.

అదే మ్యాజిక్ రిపీట్ చేయాల‌ని.

అయితే గత అసెంబ్లీ ఎన్నికల్లో గుంటూరు జిల్లాలో రేపల్లె, గుంటూరు పశ్చిమ నియోజకవర్గాలు మినహాయించి మిగిలిన 15 చోట్ల వైసీపీ విజ‌యం సాధించింది.టీడీపీ కంచుకోట లాంటి స్థానాల్లోనూ వైసీపీ జెండా పాతేసింది.

మూడు పార్లమెంటు సీట్లలో నరసరావుపేట బాపట్లను వైసీపి గెలుచుకుంది.ఇక గుంటూరు పార్లమెంటు సీటును మాత్రం తక్కువ మెజారిటీతో కోల్పోయింది.

ఈ నేపథ్యంలో వచ్చే ఎన్నికల్లోనూ ఇదే మ్యాజిక్ రిపీట్ చేయాలని వైసీపీ గ‌ట్టిగా ప్ర‌య‌త్నిస్తోంది.ఈ క్రమంలో కొన్ని నియోజకవర్గాల్లో అభ్యర్థులను మార్చడం మరికొన్నిచోట్ల గట్టి అభ్యర్థులను పోటీలో నిలపడం వంటివాటిపై దృష్టిసారించిందని వార్తలు వస్తున్నాయి.

ఇదేం కాంప్లిమెంట్ రా బాబోయ్.. పొగిడినట్టే పొగిడి భారతీయులను అవమానించిన ఆస్ట్రేలియా కపుల్..

తెలుగు రాశి ఫలాలు, పంచాంగం - మే 26, శుక్రవారం 2023

ఈ క్రమంలోనే తాడికొండ అసెంబ్లీ నియోజకవర్గానికి మాజీ మంత్రి డొక్కా మాణిక్య వరప్రసాద్ ను అదనపు ఇన్ చార్జిగా నియమించింది.సిట్టింగ్ ఎమ్మెల్యే శ్రీదేవికి 2024లో పార్టీ టిక్కెట్ ఇవ్వకపోవచ్చని అంటున్నారు.

అందుకే డొక్కా నియామకం దీనికి స్పష్టమైన సూచనగా భావిస్తున్నారు.ఇక డొక్కా మాణిక్య వరప్రసాద్ ఇప్పటికే ఎమ్మెల్సీగా ఉన్నారు.

గతంలో 2004, 2009లో కాంగ్రెస్ పార్టీ ఎమ్మెల్యేగా తాడికొండ నుంచి ఆయన గెలుపొందారు.ఈ నేపథ్యంలో తాడికొండ నుంచి డొక్కా మాణిక్యవరప్రసాద్ ను పోటీ చేయిస్తారనే వార్తలు వినిపిస్తున్నాయి.