రెండు కాదు మూడు ఎమ్మెల్సీలు ! బాబు సెల్యూట్ .. బాలయ్య ఏమన్నారంటే ..? 

ప్రస్తుతం జరిగిన ఎమ్మెల్సీ ఎన్నికల్లో( MLC Elections ) ఊహించని విధంగా తెలుగుదేశం పార్టీ( TDP ) మూడు స్థానాల్లో విజయం సాధించింది.

ముందుగా రెండు ఫలితాలు టిడిపి ఖాతాలో పడినా,  శనివారం అర్ధరాత్రి వెలువడిన పశ్చిమ రాయలసీమ ఎమ్మెల్సీ ఎన్నికల్లో ఫలితాల్లో టిడిపి అభ్యర్థి భూమిరెడ్డి రామగోపాల్ రెడ్డి( Bhumiredy ramgopal reddy ) గెలుపొందారు.

  వైసీపీ అభ్యర్థి వెన్నుపూస రవీంద్రారెడ్డి పై 7543 ఓట్ల మెజార్టీతో రాంగోపాల్ రెడ్డి గెలుపొందారు.  మొత్తం ఈ ఎన్నికల్లో 49 మంది అభ్యర్థులు పోటీ చేసినా, చివరకు టిడిపి, వైసిపి అభ్యర్థుల మధ్య ప్రధానంగా పోటీ జరిగింది.

ఊహించని విధంగా టిడిపి అభ్యర్థి రామ్ గోపాల్ రెడ్డి విజయం సాధించారు.అయితే ఈ ఓట్ల లెక్కింపులో అక్రమాలు జరిగాయని వైసిపి అభ్యర్థి వెన్నుపోస రవీంద్రారెడ్డి,  వైసీపీ మాజీ ఎమ్మెల్యే విశ్వేశ్వర్ రెడ్డి ఆందోళన చేపట్టారు.

రీకౌంటింగ్ చేయాలని డిమాండ్ చేస్తూ పోలింగ్ కేంద్రం వద్ద నిరసన తెలిపారు.